2024-08-06 17:46:47, 642 ნახვა
მსოფლიო
კამალა ჰარისმა არჩევნებში გამარჯვების შემთხვევაში ვიცე-პრეზიდენტობის კანდიდატად ტიმ უოლცი დაასახელა
ამერიკის შეერთებული შტატების "დემოკრატიული პარტიის" საპრეზიდენტო კანდიდატმა, კამალა ჰარისმა არჩევნებში გამარჯვების შემთხვევაში ვიცე-პრეზიდენტის კანდიდატურად მინესოტას გუბერნატორი ტიმ უოლცი დაასახელა. ამის შესახებ ინფორმაციას CNN ავრცელებს.
მედიის ცნობით, ტიმ უოლცი ამჟამად მეორე ვადით მინესოტას გუბერნატორია და ამავდროულად ის "დემოკრატი" გუბერნატორების ასოციაციის ხელმძღვანელია. 12 წლის განმავლობაში უოლცი კონგრესში მსახურობდა.
CNN-ის ინფორმაციით, უოლცი ვიცე-პრეზიდენტის კანდიდატად გუნდის ფავორიტი იყო.
ავტორი: ექსპრესნიუსი,
epn.ge (@expressnews.ge)
