თურქეთის საგარეო - თეირანში ჰანიეს სამარცხვინო მკვლელობა მიზნად ომის რეგიონის მასშტაბით გავრცელებას ისახავს

2024-07-31 12:14:19, 527 ნახვა

მსოფლიო

თურქეთის საგარეო უწყება ირანში "ჰამასის“ პოლიტიკური ლიდერის, ისმაილ ჰანიეს დაღუპვას ეხმაურება.

საგარეო უწყება გმობს მომხდარს და მას "თეირანში განხორციელებულ სამარცხვინო მკვლელობას“ უწოდებს.

სამინისტროში მიაჩნიათ, რომ "ეს თავდასხმა ასევე მიზნად ისახავს ღაზას ომის რეგიონის მასშტაბით გავრცელებას".

ცნობისთვის, ირანის ისლამური რევოლუციის გუშაგთა კორპუსმა (IRGC) და "ჰამასმა" გაავრცელეს ინფორმაცია, რომლის მიხედვითაც, ირანის დედაქალაქ თეირანში ტერორისტული დაჯგუფება "ჰამასის" პოლიტიკური ლიდერი ისმაილ ჰანიე მოკლეს. ჰანიე ბოლოს საჯაროდ გუშინ, 30 ივლისს ირანის პრეზიდენტის, მასუდ პეზეშქიანის ინაუგურაციაზე ნახეს. ის ახალ პრეზიდენტს და ირანის უზენაეს ლიდერს, აიათოლა ალი ხამენეისაც შეხვდა. ისმაილ ჰანიე "ჰამასის" პოლიტბიუროს ხელმძღვანელად 2017 წელს აირჩიეს. 2018 წელს ამერიკის შეერთებული შტატების სახელმწიფო დეპარტამენტმა ის ტერორისტად გამოაცხადა. ჰანიე ბოლო რამდენიმე წლის განმავლობაში კატარში ცხოვრობდა.

ავტორი: ექსპრესნიუსი,