2024-07-29 16:34:11, 413 ნახვა

---

თურქეთის საგარეო - როგორც გენოციდის ჩამდენმა ნაცისტებმა აგეს პასუხი, ზუსტად ისე აგებენ პასუხს, ვინც პალესტინის განადგურებას ცდილობს

როგორც გენოციდის მომწყობმა ჰიტლერმა დაასრულა, ისეთივე დასასრული ექნება გენოციდის მომწყობ ნეთანიაჰუს,- ამის შესახებ თურქეთის საგარეო საქმეთა სამინისტროს განცხადებაშია ნათქვამი.

უწყების განცხადებაში ასევე აღნიშნულია, რომ "როგორც გენოციდის ჩამდენმა ნაცისტებმა აგეს პასუხი, ზუსტად ისე აგებენ პასუხს, ვინც პალესტინის განადგურებას ცდილობს".

ამასთან, თურქეთის საგარეო საქმეთა მინისტრმა, ჰაკან ფიდანმა X-ზე დაწერა, რომ “ჩვენი პრეზიდენტი [რეჯეფ თაიფ ერდოღანი] კაცობრიობის სინდისის ხმა“ გახდა.

“საერთაშორისო სიონისტური წრეები, განსაკუთრებით ისრაელი, რომლებსაც სურთ ამ მართალი ხმის ჩახშობა, დიდ განგაშში არიან. გენოციდისა და მათი მომხრეებისთვის ისტორია ყოველთვის ერთნაირად სრულდება“,- წერს ჰაკან ფიდანი X-ზე.

შეგახსენებთ, ისრაელის საგარეო საქმეთა მინისტრმა, ისრაელ კაცმა თურქეთის პრეზიდენტი რეჯეფ თაიფ ერდოღანი ერაყის ყოფილ ლიდერს, სადამ ჰუსეინს შეადარა.

---

ავტორი: ექსპრესნიუსი,

---

დღის თემა

მთავარი თემა

ინტერვიუ - ექსკლუზივი