2024-07-23 15:14:55, 481 ნახვა
მსოფლიო
ისრაელის თავდაცვის ძალები - ხან-იუნისში ტერორისტული ჯგუფების მიერ კონტროლირებადი 50-ზე მეტი ადგილი დაიბომბა
ღაზას სექტორის ქალაქ ხან-იუნისში ტერორისტული ჯგუფების მიერ კონტროლირებული 50-ზე მეტი ადგილი დაიბომბა. ამის შესახებ ინფორმაციას The Times of Israel-ი ისრაელის თავდაცვის ძალებზე (IDF) დაყრდნობით ავრცელებს.
IDF-ში აცხადებენ, რომ ავიაიერიშების პარალელურად, გასული დღის განმავლობაში ღაზას სექტორის სამხრეთ ნაწილში 98-ე დივიზია შევიდა.
მათივე ინფორმაციით, ხან-იუნისში ოპერაცია დივიზიის მე-7 ჯავშანსატანკო ბრიგადამ, მედესანტე ბრიგადამ და კომანდოს ბრიგადამ განახორციელა.
ისრაელის სამხედრო ავიაციამ დაბომბა იარაღის საწყობები, სნაიპერების პოზიციები, "ჰამასის“ მიერ გამოყენებული შენობები და გვირაბები.
ავტორი: ექსპრესნიუსი,
epn.ge (@expressnews.ge)
