პოლიტიკოსი და უმაღლესი რადას ყოფილი დეპუტატი, უკრაინული ენის პროფესორი ირინა ფარიონი ლვოვის საავადმყოფოში მკვლელობის მცდელობის შემდეგ გარდაიცვალა.

ამის შესახებ ადგილობრივმა ხელისუფლებამ  განაცხადა. ლვოვის რეგიონალური ადმინისტრაციის ხელმძღვანელმა მაქსიმ კოზიცკიმ დაწერა, რომ ექიმების ყველა მცდელობის მიუხედავად, ირინა ფარიონის გადარჩენა ვერ მოხერხდა. "გულწრფელად სამძიმარს ვუცხადებ ოჯახს, მეგობრებს და სტუდენტებს", - წერს კოზიცკი თავის ტელეგრამაში.

ლვოვის მერმა ანდრეი სადოვოიმ ასევე მიუსამძიმრა ოჯახს და ახლობლებს. „მკვლელი უნდა მოიძებნოს. შემკვეთი ასევე ცნობილი უნდა იყოს და სრული პასუხისმგებლობა დაკისროს“, - დასძინა სადოვოიმ.

მკვლელობის მცდელობა მოხდა პარასკევს, დაახლოებით საღამოს რვის ნახევარზე, ქუჩაში იმ სახლის მახლობლად, სადაც ფარიონი ცხოვრობს. ქილერმა მას პისტოლეტით თავში ესროლა. დაზარალებული მძიმე მდგომარეობაში საავადმყოფოში გადაიყვანეს და ოპერაცია ჩაუტარდა. აღინიშნა, რომ იგი ღრმა კომაში იმყოფებოდა.

ლვოვის საქალაქო საბჭოს დეპუტატმა იგორ ზინკევიჩმა და ჟურნალისტმა მარტა ოლიარნიკმა პირველებმა განაცხადეს სროლის შესახებ.

ლვოვის პოლიციამ მოგვიანებით დაადასტურა ინციდენტი პოლიტიკოსის დასახელების გარეშე. პოლიციის ინფორმაციით, მსროლელმა გაქცევა მოახერხა და მიმდინარეობს ძებნა.

უკრაინის პრეზიდენტმა ვლადიმერ ზელენსკიმ აღნიშნა, რომ დანაშაულის გარემოებების დადგენაში ჩართული იყო ეროვნული პოლიციისა და SBU-ს ყველა საჭირო ძალა. „აშკარაა, რომ ნებისმიერი ძალადობა მხოლოდ დაგმობას იმსახურებს და თავდასხმაში მონაწილე ყველამ უნდა აიღოს სრული პასუხისმგებლობა“, - ხაზგასმით აღნიშნა ზელენსკიმ.

იგორ ზინკევიჩმა თქვა, რომ მოწმეებმა აღწერეს თავდამსხმელი: ეს იყო მამაკაცი, მას ხელთათმანები ეცვა, იარაღი იყო მაყუჩის გარეშე.

ირინა ფარიონი 60 წლის იყო. ის არის ფილოლოგი და ენათმეცნიერი, 2012-2014 წლებში იყო უკრაინის უმაღლესი რადას დეპუტატი, სრულიად უკრაინული ასოციაცია „სვობოდას“ წევრი. იგი ცნობილი იყო თავისი მკაცრი პოზიციით უკრაინაში უკრაინული ენის უპირატესობასთან დაკავშირებით და მისი მოთხოვნებით, რომ მინიმუმამდე შემცირდეს რუსულის გამოყენება უკრაინაში, როგორც „ოკუპანტების ენა“.
რუსეთში ფარიონის წინააღმდეგ 2015 წელს აღიძრა სისხლის სამართლის საქმე უკრაინაში რუსების წინააღმდეგ რეპრესიების მოწოდების გამო სიძულვილის წაქეზებისა და ადამიანის ღირსების დამცირების მუხლით. უკრაინაში ფარიონის წინააღმდეგ 2023 წელს აღიძრა სისხლის სამართლის საქმე მოქალაქეთა თანასწორობის დარღვევის, ეროვნების მიხედვით, პატივისა და ღირსების შეურაცხყოფისა და მიმოწერის საიდუმლოების დარღვევის მუხლით.

ავტორი: ექსპრესნიუსი,

სოციალური ქსელები

კახა კალაძე „ქართული ოცნების“ საარჩევნო კამპანიის რეგიონულ ღონისძიებაზე სიტყვით გამოვიდა.

ირაკლი კობახიძე სამცხე-ჯავახეთში „ქართული ოცნების“ საარჩევნო კამპანიის რეგიონულ ღონისძიებაზე სიტყვით გამოვიდა

„ქართული ოცნების“ საპატიო თავმჯდომარე ბიძინა ივანიშვილი ახალციხეში, საარჩევნო შეხვედრაზე სიტყვით გამოვიდა

ივანიშვილი - კონსტიტუციაში მართლმადიდებელი ეკლესიის როლის გამოკვეთით, არცერთი რელიგიური კონფესიის მნიშვნელობა არ დაკნინდება