საფრანგეთის პრეზიდენტმა, ემანუელ მაკრონმა პრემიერ-მინისტრ გაბრიელ ატალის გადადგომის თხოვნა დააკმაყოფილა. ამის შესახებ ინფორმაციას ფრანგული მედია ელისეს სასახლის განცხადებაზე დაყრდნობით ავრცელებს.

განცხადების თანახმად, ახალი მთავრობის დანიშვნამდე, ატალი მოვალეობის შემსრულებლად დარჩება, შემდეგ კი, ახალ ეროვნულ ასამბლეაში დეპუტატის რანგში მუშაობას განაგრძობს.

"იმისთვის, რომ ეს პერიოდი რაც შეიძლება სწრაფად დასრულდეს, რესპუბლიკურმა ძალებმა უნდა იმუშაონ ერთად, რათა შექმნან ერთიანი ფრონტი იმ პროექტებისა და გადაწყვეტილებების ირგვლივ, რომლებიც ფრანგი ხალხის ინტერესებში იქნება“,- ნათქვამია განცხადებაში.

შეგახსენებთ, საფრანგეთის პრემიერ-მინისტრმა, გაბრიელ ატალმა პრეზიდენტ ემანუელ მაკრონს გადადგომის თხოვნით საპარლამენტო არჩევნების შედეგების შემდეგ მიმართა, მაგრამ მაკრონმა მას დროებით დარჩენა სთხოვა. 

ატალი მთავრობას მიმდინარე წლის 9 იანვრიდან ხელმძღვანელობდა. საფრანგეთის თანამედროვე ისტორიაში, ის, 34 წლის ასაკში, ყველაზე ახალგაზრდა პრემიერ-მინისტრი გახდა.

ავტორი: ექსპრესნიუსი,

სოციალური ქსელები

საფრანგეთში არეულობის დროს დაახლოებით 1800 ადამიანი დააკავეს, ხოლო სასწრაფო დახმარების 500-ზე მეტი თანამშრომელი დაშავდა

ალბანეთში პრემიერ-მინისტრის გადადგომის მოთხოვნით საპროტესტო აქციები გრძელდება, პოლიცია კი რეზინის ტყვიებს იყენებს

პაპუაშვილი - რასაც საფრანგეთში ვუყურებთ, გვახსენებს, რომ სხვის ქვეყანაში ქარის დამთესი, საკუთარში ქარიშხალს მოიმკის

პოლონეთმა სამხედრო თვითმფრინავები დასავლეთ უკრაინაზე რუსეთის თავდასხმების ფონზე აფრინდა