პოლონეთი უკრაინაში რუსული რაკეტების ჩამოგდების საკითხს განიხილავს, - ამის შესახებ პოლონეთის საგარეო საქმეთა მინისტრმა, რადოსლავ სიკორსკიმ განაცხადა.

სიკორსკის თქმით, აღნიშნული ინიციატივა კიევისგან მოდის და ის პოლონეთის ტერიტორიისკენ მოძრავი, თუმცა ჯერ კიდევ უკრაინის საჰაერო სივრცეში არსებული რუსული რაკეტების ჩამოგდებას ითვალისწინებს.

"ამ ეტაპზე ეს მხოლოდ იდეაა. ჩვენს შეთანხმებაში საუბარია, რომ ჩვენ შევისწავლით ამ იდეას. ჩვენ ფრონტის ხაზთან მდებარე სახელმწიფო ვართ და რუსული რაკეტები არღვევენ ჩვენს საჰაერო სივრცეს. ვვარაუდობთ, რომ შემთხვევით. ჩვენი დილემა მდგომარეობს შემდეგში, თუ ჩვენ ჩამოვაგდებთ მათ მხოლოდ მაშინ როდესაც ისინი ჩვენს საჰაერო სივრცეში შემოვლენ, ნასხლეტები საფრთხეს წარმოადგენს ჩვენი მოქალაქეებისა და ჩვენი ობიექტებისთვის.

უკრაინელები კი ამბობენ, რომ ისინი წინააღმდეგი არ არიან, ეს მათ საჰაერო სივრცეში გავაკეთოთ, როდესაც გარდაუვალი საშიშროება არსებობს, რომ ისინი პოლონეთის ტერიტორიას გადაკვეთენ. ჩემი აზრით, ეს თავდაცვაა, თუმცა ჩვენ ამ იდეის შესწავლის ეტაპზე ვართ", - განაცხადა სიკორსკიმ.

ავტორი: ექსპრესნიუსი,

სოციალური ქსელები

თურქ მომღერალ ილიას იალჩინტაშს ნარკოტიკებთან დაკავშირებულ საქმეში მინიმუმ 10 წლით თავისუფლების აღკვეთა ემუქრება

ზელენსკიმ აშშ-სა და რუსეთს შორის შესაძლო დაახლოებას „ისტორიული შეცდომა“ უწოდა

საფრანგეთში არეულობის დროს დაახლოებით 1800 ადამიანი დააკავეს, ხოლო სასწრაფო დახმარების 500-ზე მეტი თანამშრომელი დაშავდა

ალბანეთში პრემიერ-მინისტრის გადადგომის მოთხოვნით საპროტესტო აქციები გრძელდება, პოლიცია კი რეზინის ტყვიებს იყენებს