ამერიკის შეერთებული შტატების პრეზიდენტობის კანდიდატი დონალდ ტრამპი მოქმედ პრეზიდენტ ჯო ბაიდენს მორიგ დებატებსა და გოლფის შეჯიბრებაში იწვევს. ამის შესახებ განცხადება ყოფილმა პრეზიდენტმა ფლორიდაში, მხარდამჭერებთან შეხვედრისას გააკეთა.

ტრამპის თქმით, 27 ივნისს გამართულ სატელევიზიო დებატებზე "ძალიან იოლად" დაამარცხა ჯო ბაიდენი და ახლა "დემოკრატიული პარტია" თავად ცდილობს, აშშ-ის მოქმედი პრეზიდენტის საარჩევნო რბოლიდან ჩამოშორებას.

„მოდი, კიდევ ერთი დებატები გავმართოთ ამ კვირაში, რათა მძინარა ჯომ შეძლოს, ყველას დაუმტკიცოს მსოფლიოში, რომ მას აქვს ის, რაც პრეზიდენტს უნდა ჰქონდეს. ახლა ეს იქნება ორი კაცის დაპირისპირება მოდერატორების გარეშე. უბრალოდ, დაასახელოს ადგილი და დრო, სადაც სურს.

მე, ასევე, ოფიციალურად ვიწვევ თაღლით ჯო ბაიდენს გოლფის თამაშში, შეჯიბრებაში. ეს იქნება შეჯიბრი, რომელსაც მსოფლიოში ყველაზე მეტი ადამიანი ნახავს, მთელი ისტორიის განმავლობაში“,- თქვა ტრამპმა.

ტრამპის განცხადებას უკვე გამოეხმაურნენ ბაიდენის საარჩევნო კამპანიაში ჩართული პირები და აღნიშნეს, რომ პრეზიდენტს „არ აქვს დრო, დონალდ ტრამპის უცნაური ხრიკებისთვის - ის დაკავებულია აშშ-ის ხელმძღვანელობითა და თავისუფალი სამყაროს დასაცავად".

ავტორი: ექსპრესნიუსი,

სოციალური ქსელები

ირაკლი კობახიძე - გახარიას მაგალითი არის ერთ-ერთი საუკეთესო, რომელიც აჩვენებს, რამდენად დაუშვებელია რომელიმე აგენტის ძალაუფლებასთან გაკარება

ანკარაში, ტერაქტის შედეგად. დაიღუპა ხუთი ადამიანი, დაშავდა 22

კობახიძე - დღეს ძალიან ინერვიულა მთელმა ოპოზიციამ, სალომე ზურაბიშვილმა - ინერვიულონ, ჩვენ შეგვიძლია, ცივი წყალი გავუგზავნოთ

მამუკა მდინარაძემ თბილისში, „ქართული ოცნების“ საარჩევნო კამპანიის დასკვნით ღონისძიებაზე მოქალაქეებს მიმართა