2024-07-09 11:37:18, 606 ნახვა
მსოფლიო
აშშ-ის პრეზიდენტისა და დიდი ბრიტანეთის ახალი პრემიერ-მინისტრის პირველი შეხვედრა ხვალ გაიმართება
დიდი ბრიტანეთის ახალი პრემიერ-მინისტრი კირ სტარმერი ხვალ, 10 ივლისს ამერიკის შეერთებულ შტატებს ეწვევა და პრეზიდენტ ჯო ბაიდენთან შეხვედრას გამართავს. ამის შესახებ თეთრი სახლის ეროვნული უსაფრთხოების სპიკერმა, ჯონ კირბიმ განაცხადა.
როგორც კირბი აღნიშნავს, ვიზიტი ვაშინგტონში დაგეგმილი ნატოს სამიტის ფარგლებში შედგება.
"ვიზიტი ვაშინგტონში დაგეგმილი ნატოს სამიტის ფარგლებში შედგება. ამავე ფორმატში, ნატო-უკრაინის საბჭოს სხდომა გაიმართება, რომელსაც ვოლოდიმირ ზელენსკი და ის პარტნიორები დაესწრებიან, რომლებმაც ხელი მოაწერეს უსაფრთხოების ორმხრივ შეთანხმებებს უკრაინასთან", - განაცხადა თეთრის სახლის ეროვნული უსაფრთხოების სპიკერმა.
ავტორი: ექსპრესნიუსი,
epn.ge (@expressnews.ge)
