2024-06-17 15:01:26, 442 ნახვა
მსოფლიო
ბერბოკი - უკრაინის დახმარებას თუ არ გავაგრძელებთ, გაჩნდება საფრთხე, რომ პუტინის ჯარები პოლონეთთან საზღვარზე აღმოჩნდნენ
უკრაინის დახმარებას თუ არ გავაგრძელებთ, გაჩნდება საფრთხე, რომ პუტინის ჯარები პოლონეთთან საზღვარზე აღმოჩნდნენ, - ამის შესახებ გერმანიის საგარეო საქმეთა მინისტრმა, ანალენა ბერბოკმა გამოცემა Süddeutsche Zeitung-თან ინტერვიუში განაცხადა.
როგორც ბერბოკმა აღნიშნა, დამარცხებას საბედისწერო შედეგები ექნება თავისუფალი უკრაინისთვისა და თავისუფალი ევროპისთვისაც, ამიტომ საჭიროა უკრაინის დახმარების გაფართოება.
„რთული დასათვლელია, რამდენის გადახდა დაგვჭირდება, თუ ჩვენ თავად მოგვიწევს ჩვენი თავისუფლებისა და დამოუკიდებლობის დაცვა. უკრაინის მხარდაჭერა საშუალებას გვაძლევს, ომი ჩვენგან შორს შევაკავოთ“, - განაცხადა გერმანიის საგარეო საქმეთა მინისტრმა.
ავტორი: ექსპრესნიუსი,
epn.ge (@expressnews.ge)
