თბილისის მერი კახა კალაძე, ევროპულ გზაზე სვლის გაგრძელებასთან დაკავშირებით, საქართველოს ხელისუფლების მიმართ ევროპული საბჭოს პრეზიდენტის, შარლ მიშელის მოწოდებას ეხმაურება. 

როგორც კალაძემ ჟურნალისტებთან საუბრისას განაცხადა, საქართველოს კურსი ევროპულია და ამ გზაზე მიღწეული წარმატებები ქართველი ხალხის და "ქართული ოცნების" ერთობლივი დამსახურებაა.

"საქართველოს კურსი ევროპული მომავალია. ამ გზაზე ჩვენმა ქვეყანამ თუ რამე წარმატებას მიაღწია, ეს ჩვენს მოსახლეობასთან ერთად, "ქართული ოცნების" დამსახურებაა. სხვა გზა მე არ ვიცი. მსგავსი მიზანმიმართული სპეკულაციები და განცხადებები არის სიცრუე და იმ ბინძური კამპანიის ნაწილი, რომელიც "გამჭვირვალობის კანონთან" დაკავშირებით, მთელი თვეების განმავლობაში არსებობდა",- განაცხადა კალაძემ.

თბილისის მერის თქმით, "იგივე სიცრუის კამპანია" უახლოეს წარსულში, ექსპრეზიდენტ მიხეილ სააკაშვილის გათავისუფლებასთან დაკავშირებითაც "მუშაობდა". 

"სამწუხაროდ, იგივე სიცრუის კამპანია იყო სააკაშვილთან მიმართებით, ყოველდღე რომ კვდებოდა, ვინ არ იყო ჩართული აღნიშნულ კამპანიაში. შეგიძლიათ, მოიძიოთ სახელები და გვარები, რომლებიც აკეთებდნენ სამარცხვინო განცხადებებს და ტოლობის ნიშანს სვამდნენ სააკაშვილის გათავისუფლებასა და კანდიდატის სტატუსის მიღებას შორის. საოცარი პერიოდი გამოვიარეთ. სამწუხაროდ, დღესაც გრძელდება ეს ზეწოლა. მიუხედავად ამ ყველაფრისა, საქართველოში მშვიდობა შენარჩუნდება. ვერავინ შეძლებს იმას, რომ საქართველომ გაიზიაროს უკრაინის ბედი",- აღნიშნა კალაძემ.

ავტორი: ექსპრესნიუსი,

სოციალური ქსელები

სტიყვები რომელიც რეჟიმმა მედიას აუკრძალა - „ ექსპრესნიუსი“ ყველა დაცენზორებულ სიტყვას გამოიყენებს

კობახიძე - რაციონალური და პრაგმატული, სწორი, უალტერნატივო გადაწყვეტილება მივიღეთ თავის დროზე, როდესაც არ შევუერთდით სანქციებს რუსეთის მიმართ

კობახიძე - ორმაგი სტანდარტებით გამოირჩევა ევროპული ბიუროკრატია

კობახიძე გამოუვალ მდგომარეობაზე - ზედიზედ მეორედ მიიწვიეს ისეთი შემსრულებელი, რომელიც გამოირჩევა ჩვენი მხარდამჭერების მიმართ შეურაცხმყოფელი განცხადებებით