"პრეზიდენტები მოუწოდებენ "ქართულ ოცნებას", მმართველ პარტიას პატივი სცეს საზოგადოების სურვილებს ევროატლანტიკურ გზაზე დაბრუნებით", - განაცხადეს საფრანგეთისა და აშშ-ის ლიდერებმა, ემანუელ მაკრონმა და ჯო ბაიდენმა შეხვედრაზე.

ბაიდენი პარიზს სახელმწიფო ვიზიტით ნორმანდიაში მოკავშირეთა ჯარის გადასხმის დღის 80 წლის იუბილესთან დაკავშირებით გამართული ცერემონიის შემდეგ ეწვია, რის შემდეგაც მან ქვეყნის პრეზიდენტ ემანუელ მაკრონთან ერთად შეხვედრა გამართა. შეხვედრაზე პრეზიდენტებმა კიდევ ერთხელ დაადასტურეს "თავიანთ ერთგულება მთლიანი, თავისუფალი და მშვიდობიანი ევროპისადმი."

შეხვედრის შემდეგ კი პრეზიდენტებმა ერთობლივი დოკუმენტი, "ფრანგულ-ამერიკული საგზაო რუკა" გამოსცეს. მრავალ მნიშვნელოვან გლობალურ საკითხთან ერთად, დოკუმენტში საუბარია მოლდოვაში, დასავლეთ ბალკანეთში და სამხრეთ კავკასიაში განვითარებულ მოვლენებზე, საიდანაც ერთი ქვეთავი საქართველოს ეთმობა.

პრეზიდენტების განცხადებაში ნათქვამია, რომ აშშ და საფრანგეთი ადასტურებენ საქართველოს მიმართ ერთგულებას და რომ ევროატლანტიკურ გზაზე მისი მოსახლეობის გვერდით დგანან.

"შეერთებული შტატები და საფრანგეთი ადასტურებენ თავიანთ ერთგულებას, რომ დგანან ქართველი ხალხის გვერდით მათ ევროატლანტიკურ მისწრაფებებში. პრეზიდენტები მოუწოდებენ მმართველ პარტიას, "ქართულ ოცნებას",  პატივი სცეს საზოგადოების სურვილს და დაუბრუნდეს ევროატლანტიკურ გზას. შეერთებული შტატები და საფრანგეთი მხარს უჭერენ სამხრეთ კავკასიაში სამართლიანი და ხანგრძლივი მშვიდობის დამყარებას, რომელიც დაფუძნებულია საერთაშორისო სამართლის პატივისცემაზე, ასევე სუვერენიტეტის, საზღვრების ხელშეუხებლობისა და ტერიტორიული მთლიანობის პრინციპებზე. ისინი მხარს უჭერენ შემდგომ რეგიონულ ინტეგრაციას სამხრეთ კავკასიაში, რეგიონის ყველა მოსახლეობის საკეთილდღეოდ", - ნათქვამია განცხადებაში.

ავტორი: ექსპრესნიუსი,

სოციალური ქსელები

კიევში, რუსული დაბომბვის გამო, მეტრო და ტრამვაი ერთ კვირაში მეორედ გაჩერდა

აშშ-მ და უკრაინამ მაიამიში მიმდინარე მოლაპარაკებები შეაჩერეს

სტიყვები რომელიც რეჟიმმა მედიას აუკრძალა - „ ექსპრესნიუსი“ ყველა დაცენზორებულ სიტყვას გამოიყენებს

კობახიძე - რაციონალური და პრაგმატული, სწორი, უალტერნატივო გადაწყვეტილება მივიღეთ თავის დროზე, როდესაც არ შევუერთდით სანქციებს რუსეთის მიმართ