გუდაურისა და ბაკურიანის დამსვენებლები „საბასგან" მრავალფეროვან ელექტრონულ ბიბლიოთეკას მიიღებენ საჩუქრად.

„იკითხე მთაში!" - ასე ჰქვია ელექტრონული წიგნების სახლი „საბას" და მთის კურორტების განვითარების კომპანიის ერთობლივ პროექტს, რომლის ფარგლებში მთის კურორტებზე დამონტაჟდა უფასო ელექტრონული ბიბლიოთეკის სტენდები, ათობით ელექტრონული წიგნით.

იმისათვის, რომ ეს წიგნები თქვენს პირად ბიბლიოთეკაში ჩაიტვირთოს, საჭიროა ტელეფონში გქონდეთ „საბას" აპლიკაცია Saba Reader. აპლიკაციაში არსებულ QR ღილაკზე ერთი დაჭერით სასურველი წიგნი მომენტალურად განთავსდება პირად ელექტრონულ ბიბლიოთეკაში.

„საბას" ელექტრონული ბიბლიოთეკის სტენდები განთავსებულია ბაკურიანში დიდველისა და კოხტას სათხილამურო ტრასასთან, ასევე გუდაურში, რამდენიმე ადგილას. ამ ბიბლიოთეკებში ათობით წიგნია განთავსებული, რომელთა ჩამოტვირთვაც მათზე დატანილი QR კოდითაა შესაძლებელი. აქ არის როგორც თანამედროვე, ისე კლასიკური ქართული ლიტერატურის საუკეთესო ნიმუშები, უცხოური ბესტსელერების ქართული თარგმანები.

პროექტის მიზანია მთის კურორტების სტუმრების თუ ადგილობრივი მოსახლეობისთვის ელექტრონული წიგნების უფასოდ მიწოდება და, დასვენებისა და სპორტის პარალელურად,  წიგნის კითხვის ხელშეწყობა.

(R)

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ანგარიშის თანახმად, ევროკავშირი საკმარისად სწრაფად და ეფექტურად არ აშენებს თავის თავდაცვით შესაძლებლობებს

მაკრონმა ტრამპი გააფრთხილა, რომ აშშ-ის ნავთობის ექსპორტის შეჩერება ფასების ზრდას გამოიწვევდა.

ზელენსკიმ განაცხადა, რომ „ანკორიჯის შეთანხმებები“ მოლაპარაკებებში აღარ განიხილება

ევროკავშირი სანქციებსა და ვიზების შეზღუდვებს ამზადებს, რათა რუსებმა გლობალურ სპორტში დაბრუნება ვერ შეძლონ