ამ წუთისთვის ციხისზირში ხეების გადარგვის პროცესი შეჩერებულია, - ამის შესახებ „ექსპრესნიუსს“ ,,ნაციონალური მოძრაობის“ ბათუმის ორგანიზაციის წევრმა  ნოდარ დუმბაძემ განუცხადა.

მისი თქმით, სამუშაოების შეჩერების გადაწყვეტილება, პირადად ბიძინა ივანიშვილმა მიიღო.

„ჩვენ ვესაუბრეთ ივანიშვილს, მოვთხოვეთ სამშენებლო ნებართვები, მან განაცხადა, რომ ის არის რეალური დამკვეთი ურეკში ხეების გადატანის. მან თქვა, რომ ყველანაირი ნებართვები არსებობს, თუმცა მას შემდეგ რაც შესაბამის შპს-ს მოთხოვა ნებართვა, კომპანიამ ვერ წარმოადგინა ნებართვები. მან თქვა, რომ სამუშაოები შეჩერდება მანამ სანამ ყველა ნებართვა არ იქნება გაცემული“, - განაცხადა ნოდარ დუმბაძემ.

მისივე თქმით, იგივე ნებართვების საკითხზე ჰქონდათ გუშინ შეხვედრა აჭარის მთავრობის ხელმძღვანელთან,თუმცა არჩილ ხაბაძემ მათ განუცხადა, რომ მას სამუშაოების შესაჩერებლად ბერკეტები არ აქვს.

,,გუშინ ჩვენ შევხვდით აჭარის მთავრობის მეთაურს, რომელმაც განაცხადა, რომ  სამუშაოების შესაჩერებლად საჭირო ბერკეტები არ აქვს. სამწუხაროა, რომ რეგიონის პირველ პირს უუნარობის გამო არანაირი ბერკეტები არ აქვს უკანონო ნებართვების შესაჩერებლად. მან თქვა, რომ შესაბამისი ნებართვები არსებობს ამიტომ ის არ შეაჩერებს ამ პროცესს. თუმცა როდესაც ჩვენ მოვითხოვეთ ნებართვების ჩვენება, ვერ იქნა წარმოდგენილი”, -აღნიშნა დუმბაძემ.

ცნობისთვის, ყოფილი პრემიერ-მინისტრი ბიძინა ივანიშვილი ციხისძირში იმ ადგილზე იმყოფებოდა, სადაც ხეების გადარგვის სამუშაოები მიმდინარეობდა.

„ერთიანი ნაციონალური მოძრაობის“ ბათუმის ორგანიზაციის ინფორმაციით, ივანიშვილი მიმდებარე ტერიტორიაზე შეკრებილ აქციის მონაწილეებს გაესაუბრა და სამუშაოების მიმდინარეობა დაათვალიერა.

ამ დროისთვის ადგილზე პოლიციაა მობილიზებული.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ანგარიშის თანახმად, ევროკავშირი საკმარისად სწრაფად და ეფექტურად არ აშენებს თავის თავდაცვით შესაძლებლობებს

მაკრონმა ტრამპი გააფრთხილა, რომ აშშ-ის ნავთობის ექსპორტის შეჩერება ფასების ზრდას გამოიწვევდა.

ზელენსკიმ განაცხადა, რომ „ანკორიჯის შეთანხმებები“ მოლაპარაკებებში აღარ განიხილება

ევროკავშირი სანქციებსა და ვიზების შეზღუდვებს ამზადებს, რათა რუსებმა გლობალურ სპორტში დაბრუნება ვერ შეძლონ