დემოკრატიის დასაცავად, ამერიკის შეერთებულმა შტატებმა, შესაძლოა, ქართველ პოლიტიკოსებს სანქციები დაუწესოს - ამ სათაურით სტატიას გავლენიანი ამერიკული გამოცემა Politico აქვეყნებს.

როგორც Politico წერს, მოიპოვეს კანონპროექტის ვერსია, რომლის მიხედვითაც, სანქციების სამიზნე პოლიტიკოსებისა და მათი ოჯახის წევრების გარდა, სამართალდამცავი ორგანოებიც გახდებიან. 

გამოცემის ცნობით, კანონპროექტი, რომელსაც სამხრეთ კაროლინის "რესპუბლიკელი" წარმომადგენელი ჯო უილსონი კონგრესში წარადგენს, ოფიციალური პირებისთვის, რომლებიც პასუხისმგებლები არიან საქართველოში "უცხოელი აგენტების" შესახებ კანონის წინ წაწევაზე, აქტივების გაყინვასა და მოგზაურობის აკრძალვას ითვალისწინებს. 

როგორც Politico წერს, კანონპროექტით სანქციები განსაზღვრულია მთავრობის წარმომადგენლებისა და სხვა პირების წინააღმდეგ, რომლებსაც "აკისრიათ მატერიალური პასუხისმგებლობა საქართველოში დემოკრატიის, ადამიანის უფლებების ან უსაფრთხოების შელახვის ან დაზიანებისთვის".

"სასჯელი ასევე გამიზნული იქნება საქართველოს სამართალდამცავ ორგანოებსა და უშიშროების სამსახურებზე, რომლებმაც შეაჩერეს პროტესტი "უცხოური აგენტების" კანონპროექტის წინააღმდეგ",- წერს გამოცემა.

სტატიაში ასევე საუბარია საქართველოში აშშ-ის სახელმწიფო მდივნის თანაშემწის, ჯეიმს ობრაიენის ვიზიტსა და თეთრი სახლის პრესსმდივნის, კარინ ჟან-პიერის განცხადებაზე, რომელმაც თქვა, რომ თუ ეს კანონი ძალაში შევა, აშშ იძულებული იქნება, საქართველოსთან ურთიერთობა ფუნდამენტურად გადააფასოს. 

ავტორი: ექსპრესნიუსი,

სოციალური ქსელები

დმიტრიევმა ტრამპის სიტყვებს ზელენსკის გადადგომაზე „მნიშვნელოვანი და ისტორიული“ უწოდა

ტრამპის დიზელის გარიგება პუტინს მილიარდებს მოუტანს, მაგრამ ფასებზე გავლენა შესაძლოა ნულის ტოლი იყოს, - Bild

ერ-რიადის აეროპორტზე ჰუსიტების თავდასხმის შედეგად ათობით ადამიანი დაშავდა

ტრამპმა განაცხადა, რომ უკრაინას არ აქვს უფლება, თავს დაესხას რუსეთის ნავთობგადამამუშავებელ ქარხნებს და ზელენსკის გადადგომისკენ მოუწოდა