ზურაბიშვილს პრეზიდენტის ადმინისტრაცია საკუთარი სახლის უკანა ბაღი ჰგონია,- ასე ეხმაურება პარლამენტის თავმჯდომარე შალვა პაპუაშვილი ევროპულ პლატფორმასთან დაკავშირებით პრეზიდენტ სალომე ზურაბიშვილის განცხადებას. 

როგორც პაპუაშვილმა მედიის წარმომადგენლებთან საუბრისას აღნიშნა, პრეზიდენტი "ყველანაირი კონსტიტუციური ჩარჩოდან გასულია".

"ქალბატონი სალომე კონსტიტუციის კიდევ ერთ დარღვევას აანონსებს, ჩვეულებრივად გასულია ყველანაირი კონსტიტუციური ჩარჩოდან. მას პრეზიდენტის თანამდებობა და პრეზიდენტის ადმინისტრაცია საკუთარი სახლის უკანა ბაღი ჰგონია. ერთხელ უკვე დაარღვია კონსტიტუცია, რაც დადგენილია საკონსტიტუციო სასამართლოს მიერ და საპარლამენტო უმრავლესობის მხრიდანაც ამაზე არის დასტური. ახლა კვლავ აანონსებს კონსტიტუციის დარღვევას. ამაზე კომენტარიც ზედმეტია, სახელმწიფოებრივი თვალსაზრისით, ეს არის ძირის გამოთხრა ქვეყნის სახელმწიფო ინტერესებისთვის. არ ვიცი, ოპოზიციასაც რამდენად ენდომება მასთან ერთად ყოფნა",- თქვა პაპუაშვილმა.

შეგახსენებთ, დღეს, 15 მაისს საქართველოს პრეზიდენტმა, სალომე ზურაბიშვილმა საქართველოში ვიზიტით მყოფი ლატვიის, ლიეტუვის, ესტონეთისა და ისლანდიის საგარეო საქმეთა მინისტრებთან ერთობლივ პრესკონფერენციაზე განაცხადა: "დღეს საქართველოს გადარჩენის საკითხი დგას. ამისთვის, მე ჩვენს მეგობრებს გავაცანი ჩვენი სამომავლო გეგმები - როგორი უნდა იყოს ის ევროპული პლატფორმა, რომელზეც ვმუშაობ და რომელიც საქართველოს არჩევნებამდე ერთობით მიიყვანს".

ავტორი: ექსპრესნიუსი,

სოციალური ქსელები

დმიტრიევმა ტრამპის სიტყვებს ზელენსკის გადადგომაზე „მნიშვნელოვანი და ისტორიული“ უწოდა

ტრამპის დიზელის გარიგება პუტინს მილიარდებს მოუტანს, მაგრამ ფასებზე გავლენა შესაძლოა ნულის ტოლი იყოს, - Bild

ერ-რიადის აეროპორტზე ჰუსიტების თავდასხმის შედეგად ათობით ადამიანი დაშავდა

ტრამპმა განაცხადა, რომ უკრაინას არ აქვს უფლება, თავს დაესხას რუსეთის ნავთობგადამამუშავებელ ქარხნებს და ზელენსკის გადადგომისკენ მოუწოდა