გამოდის მმართველი პარტიის სპიკერი და ღიად ამბობს - საქართველო არაა მზად ევროკავშირისთვისო! მხოლოდ ორი ვინმე ამბობს ამას - რუსეთი და "ოცნება" - მაშ, რისთვისაა მზად საქართველო, "ოცნების" აზრით?! - ამის შესახებ "ლელოს" წარმომადგენელი ანა ნაცვლიშვილი აცხადებს.

ნაცვლიშვილის თქმით, ხელისუფლება "ისტორიაში მოღალატეების სახელით" ჩაეწერება.

"2023 წელს ევროკავშირმა მიიღო ისტორიული გადაწყვეტილება და გახსნა კარი გაფართოებისთვის - საქართველოსთვის. გერმანიის კანცლერმა "ევროკავშირი ლისაბონიდან თბილისამდე"-ო ახალი გეოპოლიტიკური რეალობა გააცხადა. ეს რეალობა თავისი ბრძოლით ააშენა ქართველმა ხალხმა - მარტის ბრძოლით მათ შორის! ათიათასობით ადამიანი ქუჩაში გამოვიდა და თქვა: "მე ვირჩევ ევროპას" და ეს გააკეთა ყოველ ჯერზე, როცა კითხვები გააჩინა ხელისუფლების ანტიევროპულმა ქმდებებმა.

და ამ დროს (გუშინ!) გამოდის მმართველი პარტიის სპიკერი და ღიად ამბობს - საქართველო არაა მზად ევროკავშირისთვისო! მხოლოდ ორი ვინმე ამბობს ამას - რუსეთი და "ოცნება", სხვა ყველა ისტორიულ გაფართოებას უჭერს მხარს და ამისთვის მუშაობს. მაშ, რისთვისაა მზად საქართველო, "ოცნების" აზრით?!

იმისთვის, რომ ოფშორებიდან კრიმინალური ფული გადმოიტანონ რუსმა ოლიგარქებმა აქ და ამ ფულის სამრეცხაოდ გადაიქცეს ქვეყანა (ამის კანონი მიიღეს რუსულ კანონთან ერთად), ხოლო თუ ვინმე ხმას ამოიღებს ამაზე და შეეწინააღმდეგება, რუსული კანონით გააჩუმონ.

ოლიგარქის ოცნება რომ ხართ მზად ამ სცენარისთვის, ვხედავთ, მაგრამ ხალხი არ არის თანახმა ამაზე, ხალხი, ვისაც ეკუთვნის ეს ქვეყანა! თქვენ ვინ ხართ, რომ დაასრულოთ ამ ქვეყნის ისტორია?! ისტორიას წერს ხალხი და თქვენ ამ ისტორიაში მოღალატეების სახელით ჩაეწერებით! საქართველო გაიმარჯვებს და გაილაღებს!" - აცხადებს ანა ნაცვლიშვილი.

შეგახსენებთ, გუშინ, 20 აპრილს "ქართული ოცნების" თავმჯდომარემ, ირაკლი ღარიბაშვილმა განაცხადა, რომ საქართველო ევროკავშირში გაწევრიანებისთვის მზად არ არის.

ავტორი: ექსპრესნიუსი,

სოციალური ქსელები

ექვსმა ამერიკელმა სენატორმა ტრამპი რუსეთისგან დიზელის საწვავის შესყიდვის გეგმასთან დაკავშირებით კანონის დარღვევაში დაადანაშაულა

ფონ დერ ლაიენი: უკრაინის ომი "ახალ, ბნელ ფაზაში" შევიდა

„ჩვენ შეგვიძლია დავივიწყოთ სამართლიანი სამყარო“: ბრიტანელი კონსერვატორების ლიდერმა გააკრიტიკა ტრამპის პოლიტიკა რუსეთის მიმართ

„უკრაინის შეიარაღებულმა ძალებმა შესაბამისი ბრძანებები მიიღეს“, - ზელენსკიმ დაადასტურა რუსეთთან ენერგეტიკული ცეცხლის შეწყვეტის შესახებ შეთანხმება