2024-04-20 22:02:00, 295 ნახვა
პოლიტიკა
ჩემს სახეზე ეს კვალი გაქრება, მაგრამ შენი სახიდან რუსეთის მონის კვალი ვერ ჩამოირეცხება - სტუდენტი კობახიძეს
![]() სტუდენტური მოძრაობა „თავისუფლებისთვის“ წევრმა ნიკო მანაგაძემ თბილისის სახელმწიფო უნივერსიტეტთან პრემიერ-მინისტრ ირაკლი კობახიძის მიმართ რუსული კანონის გამო პროტესტი გამოხატა. ლექციის შემდეგ ირაკლი კობახიძე უნივერსიტეტის შენობას დაცვასთან ერთად ტოვებდა, როდესაც მანაგაძეს რამდენიმე პირი თავს დაესხა. გარდა ამისა, დღეს ირაკლი კობახიძის სტუდენტი, რომელსაც საქართველოსა და ევროკავშირის დროშა ჰქონდა შემოხვეული, ლექციაზე არ შეუშვეს. „ეს არის ხალხი, რომელიც მუდმივარ მობილიზებული ჰყავს კობახიძეს ლექციის პარალელურად, ისინი თავს ასაღებენ თსუ-ის სტუდენტებად, თუმცა როდესაც კობახიძის მიმართ პროტესტს გამოთქვამენ სტუდენტები, ფიზიკურად უსწორდებიან. ეს არ არის პირველი შემთხვევა“, – ამბობს მანაგაძე. მისი თქმით, მასზე ფიზიკურ თავდასხმაზე კობახიძეს „ნულოვანი“ რეაქცია ჰქონდა. სტუდენტმა პრემიერ-მინისტრზე Facebook-ზეც მიმართა: „გამარჯობა, ბატონო რუსეთის მონავ! თუ ვინმეს ანეიტრალებ ამ მეთოდებით, მისამართი შეგეშალა. მთელი ცხოვრება დაცვით და ზედ დამატებული 10-15 კაციანი ტიტუშკებით ვერ ივლი, აი მერე ვნახოთ სახის ალეწვა. ზამბარას რაც უფრო გაწელავ, მით უფრო მწარედ მოგხვდება უკან. დადგება ეგ დღე. ჩემს სახეზე ეს კვალი გაქრება, მარა შენი სახიდან რუსეთის მონის და ჩმორის კვალი ვერ ჩამოირეცხება. ისტორია იმახსოვრებს მოღალატეებს. პ.ს. მადლობა ყველას მოკითხვისთვის. ბევრი ზარი და მესიჯი შემოდის და აუცილებლად გაგცემთ პასუხს ყველას. მადლობა მხარდაჭერისთვის! ეს რეჟიმი, თავისი უთავმოყვარეო, ჩმორი და არაკაცური ქუჩის ფორმირებებით დასრულდება. დასრულდება ისე, როგორც არჩიეს – მძიმედ. ჩემი მხარდაჭერა დღეს მხოლოდ ერთ რამეზე გადის – გადით ჩემ მაგივრად ქუჩაში!“, – წერს მანაგაძე. ირაკლი კობახიძემ ჟურნალისტებთან განაცხადა, რომ „უნივერსიტეტში არ არის „TV პირველის“ და მთავარის ადგილი“.
ზელენსკი ულტრამემარჯვენე გერტ ვილდერსს შეხვდა, რომელიც უკრაინის სამხედრო დახმარების წინააღმდეგი იყო
მედია - ყირგიზეთმა მოძრაობა „თალიბანი“ ტერორისტული ორგანიზაციების სიიდან ამოიღო
Reuters - ვიეტნამში ტაიფუნ „იაგის“ შედეგად დაიღუპა 4 და დაშავდა, სულ მცირე, 78 ადამიანი
ჯანდაცვის მინისტრი, აკადემიკოს ფრიდონ თოდუას 80 წლის იუბილესადმი მიძღვნილ სამეცნიერო კონფერენციაზე სიტყვით გამოვიდა
|
ომი უკრაინაში![]() ზელენსკი ულტრამემარჯვენე გერტ ვილდერსს შეხვდა, რომელიც უკრაინის სამხედრო დახმარების წინააღმდეგი იყო
რუსეთის თავდაცვა - რუსმა სამხედროებმა დონეცკის ოლქის სოფელი კალინოვო დაიკავეს
![]() დონეცკის სამხედრო ადმინისტრაცია - რუსეთის ძალებმა ქალაქ კონსტანტინოვკაზე საარტილერიო იერიში მიიტანეს - დაღუპულია 3 ადამიანი
ვიდეო/LIVE საქართველოს დამოუკიდებლობის დღე - პირდაპირი
![]() ჰელსინკის კომისია - ოპოზიციის შევიწროებისთვის „ოცნება“ თაღლითური ქოლ-ცენტრების ქსელიდან მიღებულ შავ ფულს ეყრდნობა
მთავარი თემა
|