2024-04-15 17:45:45, 461 ნახვა
პოლიტიკა
ანრი ოხანაშვილმა 4 ოპოზიციონერ დეპუტატს იურიდიული კომიტეტის სხდომა დაატოვებინა
პარლამენტის იურიდიულ საკითხთა კომიტეტის თავმჯდომარემ, ანრი ოხანაშვილმა 4 ოპოზიციონერ დეპუტატს სხდომათა დარბაზი დაატოვებინა.
ოხანაშვილმა სხდომიდან, სადაც "უცხოური გავლენის გამჭვირვალობის შესახებ" კანონპროექტის განხილვა მიმდინარეობს, გიორგი ვაშაძე, ლევან ხაბეიშვილი, პაატა მანჯგალაძე და ხატია დეკანოიძე გააძევა.
აღნიშნულის შემდეგ დეპუტატებმა - ანა ნაცვლიშვილმა და თამარ კორძაიამ სხდომათა დარბაზი პროტესტის ნიშნად დატოვეს.
ცნობისთვის, დღეს, 15 აპრილს საქართველოს პარლამეტმა „უცხოური გავლენის გამჭვირვალობის შესახებ" კანონპროექტის განხილვა დაიწყო. საკომიტეტო განხილვის პარალელურად, საკანონმდებლო ორგანოსთან "უცხოური გავლენის გამჭვირვალობის შესახებ" კანონპროექტის წინააღმდეგ საპროტესტო აქცია მიმდინარეობს.
ავტორი: ექსპრესნიუსი,
epn.ge (@expressnews.ge)
