ოლაფ შოლცმა თქვა ის, რასაც ფიქრობენ ევროკავშირში და რაც დაადგინა უკვე ევროკავშირის მართლმსაჯულების სასამართლომ ლუქსემბურგში, - ამის შესახებ პარტია "ახალის" ერთ-ერთმა ლიდერმა, ნიკა გვარამიამ განაცხადა.

გვარამიამ „უცხოური გავლენის გამჭვირვალობის შესახებ“ კანონპროექტზე საუბრისას აღნიშნა, რომ ამგვარი კანონები ევროკავშირის სადამფუძნებლო პრინციპებს ეწინააღმდეგება.

"წევრი ქვეყანა იყო უნგრეთი, მას ჰქონდა ეგეთი კანონი მიღებული და ევროკავშირმა დაიწყო მისი გარიცხვის პროცედურა. საქართველო, რომელიც წევრი ქვეყანა არ არის, მას ვინ მიიღებს ევროკავშირში თუ ამგვარი კანონი იქნება?! ხო ცხადია პასუხი. ამიტომ, არჩევანი არის ჩვენზე. ან ვირჩევთ ქართულ ოცნებას და გზას რუსეთისკენ ამ კანონის მეშვებით, ან ვირჩევთ ევროინტეგრაციას, ევროკავშირის წევრობას, უკეთეს მომავალს, უსაფრთხოებას, ნამდვილ მშვიდობას და არა ქართული ოცნება როგორც აცხადებს, არჩევანი არის ჩვენზე. ამ ხალხს თუ ვტოვებთ თავისი ამგვარი ინიციატივებით, ჩვენ ბედნიერებას ვერ ვიპოვით.

როცა ოლაფ შოლცის გვერდით დგას აქართველოს პრემიერმინისტრი და როგორც ველური, ამბობს რომ დასავლეთი აფინანსებს სახელმწიფო გადატრიალებას საქართველოში და ამ კანონს იღებენ თითქოს იმიტომ, რომ ეს აირიდონ თავიდან, ამაზე უფრო უარესს ვერ იზამს ქართველი საერთაშორისო ასპარეზზე, ვერანაირი ქართველი, ვერანაირ თანამდებობაზე მყოფი", - განაცხადა ნიკა გვარამიამ.

ავტორი: ექსპრესნიუსი,

სოციალური ქსელები

ექვსმა ამერიკელმა სენატორმა ტრამპი რუსეთისგან დიზელის საწვავის შესყიდვის გეგმასთან დაკავშირებით კანონის დარღვევაში დაადანაშაულა

ფონ დერ ლაიენი: უკრაინის ომი "ახალ, ბნელ ფაზაში" შევიდა

„ჩვენ შეგვიძლია დავივიწყოთ სამართლიანი სამყარო“: ბრიტანელი კონსერვატორების ლიდერმა გააკრიტიკა ტრამპის პოლიტიკა რუსეთის მიმართ

„უკრაინის შეიარაღებულმა ძალებმა შესაბამისი ბრძანებები მიიღეს“, - ზელენსკიმ დაადასტურა რუსეთთან ენერგეტიკული ცეცხლის შეწყვეტის შესახებ შეთანხმება