"უცხოური გავლენის გამჭვირვალობის შესახებ“ კანონი უკან დახევს საქართველოს მისი ევროპული გზიდან,- ამის შესახებ ამერიკის შეერთებული შტატების სახელმწიფო დეპარტამენტის სპიკერმა, მეთიუ მილერმა განაცხადა.

ჟურნალისტ ალექს რაუფოღლუს კითხვას - "თქვენ გაავრცელეთ განცხადება, სადაც თქვით, რომ შეშფოთებული ხართ "რუსული კანონით“, მაგრამ ისინი წინ მიიწევენ, რა არის თქვენი პოლიტიკა აქ?“ - მილერმა ასე უპასუხა:

"ჩვენ ღრმად ვართ შეშფოთებული. თუ ამ კანონს მიიღებენ, ის ზიანს მიაყენებს სამოქალაქო საზოგადოების ორგანიზაციებს, რომლებიც საქართველოს მოქალაქეების ცხოვრების გაუმჯობესებისთვის მუშაობენ; ის უკან დახევს საქართველოს მისი ევროპული გზიდან; პრობლემას შეუქმნის დამოუკიდებელ მედიასაშუალებებს, რომლებიც მოსახლეობას მაღალი ხარისხის ინფორმაციას აწვდიან. ეს ჯერ კიდევ კანონპროექტია, ჯერ არ მიუღიათ. ასე რომ, ნებისმიერი პოტენციური შედეგისადმი პატივისცემის გამო, დღეს არ ვაპირებ ნებისმიერი პოტენციური ნაბიჯის გახილვას, რომელიც შეიძლება გადავდგათ... ჩვენ შეშფოთებულნი ვართ, თუმცა რა შეიძლება გავაკეთოთ იმ შემთხვევაში, თუ ის წინ წავა, ამის შესახებ დღეს პასუხი არ მაქვს. დაგვაკვირდით“,- განაცხადა მეთიუ მილერმა.

ცნობისთვის, მას შემდეგ, რაც "ქართულმა ოცნებამ" "უცხოური გავლენის გამჭვირვალობის შესახებ" კანონპროექტის რეინიცირების შესახებ განაცხადა, ამერიკის შეერთებული შტატების სახელმწიფო დეპარტამენტის სპიკერი მეთიუ მილერი საკითხს სამჯერ გამოეხმაურა.

ავტორი: ექსპრესნიუსი,

სოციალური ქსელები

ექვსმა ამერიკელმა სენატორმა ტრამპი რუსეთისგან დიზელის საწვავის შესყიდვის გეგმასთან დაკავშირებით კანონის დარღვევაში დაადანაშაულა

ფონ დერ ლაიენი: უკრაინის ომი "ახალ, ბნელ ფაზაში" შევიდა

„ჩვენ შეგვიძლია დავივიწყოთ სამართლიანი სამყარო“: ბრიტანელი კონსერვატორების ლიდერმა გააკრიტიკა ტრამპის პოლიტიკა რუსეთის მიმართ

„უკრაინის შეიარაღებულმა ძალებმა შესაბამისი ბრძანებები მიიღეს“, - ზელენსკიმ დაადასტურა რუსეთთან ენერგეტიკული ცეცხლის შეწყვეტის შესახებ შეთანხმება