2024-04-03 17:45:49, 447 ნახვა

---

პრეზიდენტი „ოცნებას“ - გილოცავთ, ბატონებო - ქალები თქვენთან ან აღარ ითვლებიან, ან თუ ითვლებიან, ისე მოიხსენიებთ, რომ სჯობს აღარ მოიხსენიოთ!

საქართველოს პრეზიდენტი სალომე ზურაბიშვილი პარლამენტის მიერ გენდერული კვოტირების ვალდებულების გაუქმების შესახებ საკანონმდებლო ინიციატივას გამოეხმაურა.

პრეზიდენტმა განცხადება ცოტა ხნის წინ გამართულ საგანგებო ბრიფინგზე გააკეთა.

„მინდა მივმართო „ოცნებას“ და „ოცნების“ წარმომადგენლებს - გილოცავთ, ბატონებო, რამეთუ ქალები თქვენთან ან აღარ ითვლებიან, ან თუ ითვლებიან, ისე მოიხსენიებთ, რომ სჯობს აღარ მოიხსენიოთ! დაკარგეთ ელემენტარული ქართული ზრდილობა, რაც ძალიან სამწუხაროა თქვენთვის",- განაცხადა სალომე ზურაბიშვილმა.

ცნობისთვის, დღეს, 3 აპრილს პარლამენტმა, „გირჩის“ ინიციატივა, რომელიც საარჩევნო სიების ფორმირების პროცესში გენდერული კვოტირების ვალდებულების გაუქმებას ითვალისწინებს, პირველი მოსმენით მიიღო. ინიციატივას მხარი 82-მა დეპუტატმა დაუჭირა, წინააღმდეგ 15 წავიდა.

---

ავტორი: ექსპრესნიუსი,

---

დღის თემა

მთავარი თემა

ინტერვიუ - ექსკლუზივი