ისრაელის შეიარაღებული ძალების (IDF) ინფორმაციით, ღაზას სექტორში მდებარე ალ-შიფას საავადმყოფოს ტერიტორიაზე სამხედრო ოპერაციას ატარებენ.

ისრაელის თავდაცვის ძალებმა და ისრაელის უსაფრთხოების სამსახურმა (ISA) გაავრცელეს ერთობლივი განცხადება, რომელშიც ნათქვამია, რომ "ოპერაცია ტერორისტული აქტივობის აღკვეთას" ემსახურება.

"დაზვერვის შემდეგ, რომელიც შიფას საავადმყოფოს მიდამოში ტერორისტების ყოფნასა და ტერორისტული მოქმედებების განსახორციელებლად მათ მიერ საავადმყოფოს ინფრასტრუქტურის გამოყენებაზე მიუთითებს, IDF და ISA ამჟამად აწარმოებენ მაღალი სიზუსტის ოპერაციას ტერორისტული აქტივობის აღკვეთისა და ტერორისტების დასაკავებლად შიფას საავადმყოფოს შენობაში",- ნათქვამია IDF-სა და ISA-ს განცხადებაში, რომელიც Telegram-ზე გამოქვეყნდა.

მათივე ინფორმაციით, ისრაელელ სამხედროებს საავადმყოფოს შიგნიდან ცეცხლი გაუხსნეს, რასაც საპასუხო ცეცხლი მოჰყვა. 

განცხადება გაავრცელა პალესტინის ჯანდაცვის სამინისტრომაც და მომხდარს საერთაშორისო სამართლის დარღვევა უწოდა.

"ის, რასაც საოკუპაციო ძალები აკეთებენ ალ-შიფას სამედიცინო კომპლექსის წინააღმდეგ, არის საერთაშორისო ჰუმანიტარული სამართლისა და ჟენევის მეოთხე კონვენციის აშკარა დარღვევა.

ისრაელის ოკუპაცია კვლავ იყენებს თავის შეთითხნილ ნარატივებს მსოფლიოს მოსატყუებლად და ალ-შიფას სამედიცინო კომპლექსის დარბევის გასამართლებლად.

ისრაელის სამხედრო თავდასხმა მიზნად ისახავს, გააგრძელოს ჯანდაცვის სისტემის განადგურება ჩრდილოეთ ღაზაში",- ნათქვამია სოციალურ ქსელში გამოქვეყნებულ განცხადებაში.

ავტორი: ექსპრესნიუსი,

სოციალური ქსელები

საერთაშორისო გამჭვირვალობა - - ვახო სანაია ისჯება ბიძინა ივანიშვილისა და „ქართული ოცნების“ რეჟიმის მხილების, პრინციპული პოზიციისა და საქართველოს ევროპული მომავლისთვის ბრძოლის გამო

ზურაბიშვილი ვახო სანაიაზე - საქართველო მოსკოვის სცენარს სიტყვასიტყვით იმეორებს

საქართველოს ექსპორტი $6.1 მილიარდამდე გაიზარდა - პირველ ადგილზეა მსუბუქი ავტომობილები

ჟურნალისტ ვახო სანაიას სოციალურ ქსელში დაწერილი პოსტის გამო 30-დღიანი პატიმრობა შეუფარდეს