ევროკავშირის პირველი თავდაცვის ინდუსტრიის სტრატეგია და თავდაცვის მხარდაჭერის პროგრამა მოიცავს 1,5 მილიარდ ევროს დაფინანსებას. ამის შესახებ ევროკომისიის Twitter-ის გვერდზე წერია.

ამ დოკუმენტის მიზანია ევროკავშირის ფარგლებში თავდაცვის ინდუსტრიაში თანამშრომლობის ჩარჩოს გაძლიერება. გარდა ამისა, დაგეგმილია ამ სფეროში დამოკიდებულების შემცირება უცხოელ მწარმოებლებზე, მათ შორის სამხრეთ კორეასა და შეერთებულ შტატებზე, თვით ევროპაში იარაღის წარმოების მოცულობის გაზრდით.

როგორც ევროკომისიის ვიცე-პრეზიდენტმა მარგრეტე ვესტაგერმა, რომელმაც პროგრამა წარადგინა, ხაზგასმით აღნიშნა, ევროკავშირის ქვეყნებმა უნდა აიღონ მეტი პასუხისმგებლობა საკუთარ უსაფრთხოებაზე, მიუხედავად იმისა, თუ ვინ გაიმარჯვებს აშშ-ის არჩევნებში ნოემბერში.

პროგრამის ამოქმედების კანონპროექტის მიხედვით, 2030 წლამდე ევროკავშირის ქვეყნებს მოეთხოვებათ სამხედრო ბიუჯეტის მინიმუმ ნახევარი დახარჯონ შიდა შესყიდვებზე, 2035 წლისთვის კი ეს მაჩვენებელი 60%-მდე უნდა გაიზარდოს. ასევე დაგეგმილია 2030 წლისთვის თავდაცვის შესყიდვების მინიმუმ 40%-ის კოლექტიურ საფუძველზე განხორციელება.

მანამდე გავრცელდა ინფორმაცია, რომ ევროპის პატარა ქვეყნები, თუკი დონალდ ტრამპი კვლავ აირჩევა შეერთებული შტატების პრეზიდენტად, აპირებენ მას მაამებლობით და ამერიკული იარაღის შესყიდვით დაამშვიდონ. მის საარჩევნო პლატფორმაზე ნათქვამია, რომ ტრამპის არჩევის შემთხვევაში ჩვენ დავასრულებთ იმ პროცესს, რომელიც ბოლოჯერ დავიწყეთ - ნატოს ამოცანებისა და მიზნების გადაფასების პროცესს. ტრამპმა არაერთხელ გამოთქვა უკმაყოფილება იმის გამო, რომ ევროკავშირის ბევრი ქვეყანა არ ხარჯავს მშპ-ს 2%-ზე მეტს თავდაცვაზე, როგორც ეს ჩრდილოატლანტიკური ალიანსის წესებით არის დადგენილი.

ავტორი: ექსპრესნიუსი,

სოციალური ქსელები

ადვოკატი: იმედია, ირაკლი ღარიბაშვილი პროცესებზე გამოცხადდება და იმედია, არ დახურავენ სასამართლო სხდომებს

ვახო სანაიას დაკავება კრიტიკული ხმის ჩახშობას ემსახურება - ჟურნალისტური ეთიკის ქარტია

ვახო სანაია - ჩემი დაკავების მიზანია საზოგადოება გაჩუმდეს, საზოგადოება არ გაჩუმდება არასდროს - ამ რეჟიმს ამოვაყირავებთ

პაპუაშვილი სანაიას პატიმრობაზე: თუ საჯარო სივრცეში უხამსობის სითამამე აქვს, პასუხიც უნდა აგოს