2024-03-01 09:06:23, 936 ნახვა

---

მილერი - აშშ-ს არ აქვს რამე ნიშანი იმისა, რომ რუსეთი ბირთვული იარაღის გამოსაყენებლად ემზადება

ამერიკის შეერთებულ შტატებს არ აქვს რამე ნიშანი იმისა,  რომ რუსეთი ბირთვული იარაღის გამოსაყენებლად ემზადება,- ასე ეხმაურება აშშ-ის სახელმწიფო დეპარტამენტის სპიკერი მეთიუ მილერი რუსეთის ფედერაციის პრეზიდენტის, ვლადიმერ პუტინის განცხადებას.

მილერის თქმით, შეერთებული შტატები მონიტორინგს გააგრძელებს.

"ეს არ არის პირველი შემთხვევა, როცა ვლადიმირ პუტინის მხრიდან უპასუხისმგებლო რიტორიკას ვხედავთ. ბირთვული სახელმწიფოს ლიდერს არ შეუძლია ასე ლაპარაკი. ჩვენ წარსულში გვქონდა კომუნიკაცია რუსეთთან პირადად და უშუალოდ ბირთვული იარაღის გამოყენების შედეგების შესახებ. არ გვაქვს რამე ნიშანი იმისა, რომ რუსეთი ემზადება ბირთვული იარაღის გამოსაყენებლად და გავაგრძელებთ ამის მონიტორინგს",- ამბობს მეთიუ მილერი.

ცნობისთვის, რუსეთის ფედერაციის პრეზიდენტმა, ვლადიმერ პუტინმა განაცხადა, რომ დასავლეთი რისკავს ბირთვული ომის პროვოცირებით, თუ ჯარებს უკრაინაში საბრძოლველად გაგზავნის.

---

ავტორი: ექსპრესნიუსი,

---

დღის თემა

მთავარი თემა

ინტერვიუ - ექსკლუზივი