ამერიკის შეერთებული შტატები არის საქართველოს ერთადერთი თუ არა, ერთ-ერთი ყველაზე მყარი მხარდამჭერი,- ამის შესახებ საქართველოში აშშ-ის ელჩმა, რობინ დანიგანმა პარლამენტში განაცხადა.

როგორც დანიგანმა აღნიშნა, შეერთებული შტატები მხარს უჭერს საქართველოს, რომ ქვეყანა ევროკავშირის წევრი გახდეს.

"რომ გადავხედოთ ამ 32 წელს, ამერიკის შეერთებული შტატები არის საქართველოს ერთადერთი თუ არა, ერთ-ერთი ყველაზე მყარი მხარდამჭერი. გასულ კვირას მქონდა საშუალება, პირველად განმეხილა ჩვენი ურთიერთობები პრემიერ-მინისტრთან, რომელსაც პირველად შევხვდი ამ რანგში. მე კიდევ ერთხელ დავაფიქსირე პრემიერ-მინისტრთან მზაობა, გავაღრმაოთ ჩვენი სტრატეგიული ურთიერთობები, მათ შორის საქართველოს ევროატლანტიკური ურთიერთობების მხარდაჭერა, სავაჭრო-ინვესტირებისა და "შუა დერეფნის" მხარდაჭერა, ასევე, ჩვენი სამხედრო-თავდაცვითი და კულტურული ურთიერთობები.

უპირველესად, აშშ მხარს უჭერს თავის გარდამავალ ეტაპზე საქართველოს, რომ გახდეს ევროკავშირის წევრი. კანდიდატის სტატუსის მიღება ძალიან დიდი მიღწევა იყო, კიდევ ერთხელ გილოცავთ. გვინდა, რომ საქართველო გახდეს ევროკავშირის წევრი. ვიცი, რომ ბევრი თქვენგანი მუშაობდა და დიდი ძალისხმევა ჩადო ამაში. შემდგომი თვეების მანძილზე, მზად ვართ, მხარი დაგიჭიროთ, რომ შეასრულოთ 9 პირობა",- განაცხადა აშშ-ის ელჩმა.

ავტორი: ექსპრესნიუსი,

სოციალური ქსელები

EU-მ რუსეთის სამხედრო-სამრეწველო კომპლექსის წინააღმდეგ სანქციების უპრეცედენტო პაკეტი დაამტკიცა

პენიტენციურის თანამშრომლების ფიზიკური შეურაცხყოფისთვის 3 მსჯავრდებულს ბრალდება წარედგინა

შპს "მდინარაძის საკონსულტაციო ჯგუფი" - მამუკა მდინარაძე ბიზნესში მიდის

საქართველოს ბანკის მხარდაჭერით მონოლით ჯგუფი Monolith New Depo-ს პროექტს ახორციელებს