მთავრობაში არავითარი ცვლილებები არ იგეგმება,- ამის შესახებ საქართველოს პრემიერ-მინისტრმა, ირაკლი კობახიძემ მთავრობის ადმინისტრაციაში ცოტა ხნის წინ გამართულ ბრიფინგზე განაცხადა.

როგორც მთავრობის მეთაურმა სამთავრობო ცვლილებებთან და კონკრეტულად, საგარეო საქმეთა მინისტრის, ილია დარჩიაშვილის შესაძლო შეცვლასთან დაკავშირებით აღნიშნა, მსგავსი ტიპის თემებზე კონსულტაციები არ მიმდინარეობს. 

"არავითარი ცვლილებები არ იგეგმება. ბატონი ილია დარჩიაშვილი იყო წარმოდგენილი დელეგაციაში და ძალიან კარგად წარმოადგინა მან საქართველოს ინტერესები ამ [ბრიუსელში] ვიზიტის ფარგლებში. კიდევ ერთხელ მინდა მას მადლობა გადავუხადო. კიდევ ერთხელ მკაფიოდ მინდა განვაცხადო, რომ არავითარი ცვლილებები მთავრობაში, პერსონალური ცვლილებები არ იგეგმება. გეგმაში ასეთი რამ არ არის და ერთ წელიწადში, ორში თუ სამში რამე ცვლილება მოხდება, არ არის მარტო ჩვენზე დამოკიდებული. არავითარი კონსულტაციები სამთავრობო ცვლილებებთან დაკავშირებით არ წარმოებს. ეს არის ის, რაც ძალიან მკიაფიოდ შემიძლია გითხრათ",- თქვა კობახიძემ.

ავტორი: ექსპრესნიუსი,

სოციალური ქსელები

EU-მ რუსეთის სამხედრო-სამრეწველო კომპლექსის წინააღმდეგ სანქციების უპრეცედენტო პაკეტი დაამტკიცა

პენიტენციურის თანამშრომლების ფიზიკური შეურაცხყოფისთვის 3 მსჯავრდებულს ბრალდება წარედგინა

შპს "მდინარაძის საკონსულტაციო ჯგუფი" - მამუკა მდინარაძე ბიზნესში მიდის

საქართველოს ბანკის მხარდაჭერით მონოლით ჯგუფი Monolith New Depo-ს პროექტს ახორციელებს