2024-02-20 16:40:19, 701 ნახვა
პოლიტიკა
ირაკლი კობახიძის ხელმძღვანელობით, სამთავრობო დელეგაციამ საქართველო-ევროკავშირის ასოცირების საბჭოს სხდომაში მიიღო მონაწილეობა
საქართველოს პრემიერ-მინისტრის, ირაკლი კობახიძის ხელმძღვანელობით, სამთავრობო დელეგაციამ საქართველო-ევროკავშირის ასოცირების საბჭოს მე-8 სხდომაში მიიღო მონაწილეობა. აღნიშნულის შესახებ ინფორმაციას მთავრობის ადმინისტრაცია ავრცელებს.
ადმინისტრაციის ცნობით, სხდომა ბრიუსელში, ევროპულ საბჭოში გაიმართა.
მათივე ცნობით, სხდომაზე ევროკავშირის დელეგაციას საგარეო საქმეთა და უსაფრთხოების პოლიტიკის საკითხებში ევროკავშირის უმაღლესი წარმომადგენელი, ევროკომისიის ვიცე-პრეზიდენტი ჯოზეფ ბორელი ხელმძღვანელობდა.
ავტორი: ექსპრესნიუსი,
epn.ge (@expressnews.ge)
