ევროკავშირმა რუსეთის წინააღმდეგ დაწესებული სანქციები კიდევ ერთი წლით გაახანგრძლივა

2024-02-20 15:52:45, 832 ნახვა

მსოფლიო

ევროკავშირმა რუსეთის წინააღმდეგ დაწესებული სანქციები 2025 წლის 24 თებერვლამდე გაახანგრძლივა. აღნიშნულის შესახებ ინფორმაცია ევროკავშირის ოფიციალურ ჟურნალში გამოქვეყნდა.

როგორც გამოქვეყნებულ ინფორმაციაში ვკითხულობთ, აღნიშნული ღონისძიება ძალაში გადაწყვეტილების გამოქვეყნებიდან მეორე დღეს შევა.

„სანამ რუსეთის ფედერაციის უკანონო ქმედებები განაგრძობს ძალის გამოყენების აკრძალვის დარღვევას, რაც წარმოადგენს საერთაშორისო სამართლის სერიოზულ დარღვევას, მიზანშეწონილია, ძალაში შევინარჩუნოთ კავშირის მიერ ამჟამად დაწესებული ყველა ზომა და მივიღოთ დამატებითი ზომები საჭიროების შემთხვევაში. შესაბამისად, გათვალისწინებული შემაკავებელი ზომები უნდა გაგრძელდეს კიდევ 12 თვით, 2025 წლის 24 თებერვლამდე", - აღნიშნულია ინფორმაციაში.

Patreon P მხარი დაუჭირე "ექსპრესნიუსს" →

ავტორი: ექსპრესნიუსი,