2024-02-16 19:38:26, 840 ნახვა

---

ემანუელ მაკრონი - დღევანდელ რუსეთში თავისუფალ ადამიანებს გულაგში ათავსებენ და სიკვდილით სჯიან

საფრანგეთის პრეზიდენტმა ემანუელ მაკრონმა რუსეთის რეჟიმის მიერ მოკლული ოპოზიციის ლიდერის ალექსეი ნავალნის გარდაცვალებასთან დაკავშირებით განცხადება გაავრცელა.

„დღევანდელ რუსეთში თავისუფალ ადამიანებს გულაგში ათავსებენ და სიკვდილით სჯიან. ვგრძნობ სიბრაზეს და წყენას. მე პატივს ვცემ ალექსეი ნავალნის ხსოვნას, მის ერთგულებასა და გამბედაობას. ვუსამძიმრებ მის ოჯახს, ახლობლებს და რუსეთის ხალხს“, - განაცხადა ემანუელ მაკრონმა.

შეგახსენებთ, რომ ცოტა ხნის წინ რუსეთის სასჯელაღსრულების ფედერალურმა სამსახურმა რუსი ოპოზიციონერის, ალექსეი ნავალნის გარდაცვალების შესახებ ინფორმაცია გაავრცელა.

 

---

ავტორი: ექსპრესნიუსი,

---

დღის თემა

მთავარი თემა

ინტერვიუ - ექსკლუზივი