სომხეთი და აზერბაიჯანი ერთმანეთს კვლავ ცეცხლის გახსნაში ადანაშაულებენ და დაღუპულებისა და დაშავებულების შესახებ ინფორმაციას ავრცელებენ

2024-02-13 10:46:53, 525 ნახვა

მსოფლიო

სომხეთი და აზერბაიჯანი ერთმანეთს კვლავ ცეცხლის გახსნაში ადანაშაულებენ.

ორი ქვეყნის ოფიციალური უწყებები დაღუპულებისა და დაშავებულების შესახებ ინფორმაციასაც ავრცელებენ.

აზერბაიჯანის თავდაცვის სამინისტრო იუწყება, რომ სომხეთის შეიარაღებული ძალებმა ცეცხლი 12 თებერვალს, 20:50-სა და 23:40-საათზე ცეცხლი გახსნა, რის შედეგადაც სახელმწიფო სასაზღვრო სამსახურის სამხედრო მოსამსახურე დაიჭრა.

სომხეთის თავდაცვის სამინისტრომ დღეს, 13 თებერვალს გაავრცელა ცნობა, რომლის მიხედვითაც, აზერბაიჯანელმა სამხედროებმა მათი პოზიციების მიმართულებით ცეცხლი გახსნეს, რის შედეგადაც 2 ჯარისკაცი დაიღუპა.

„აზერბაიჯანის შეიარაღებული ძალების მიერ ნერკინ ხანდას მიმართულებით ცეცხლის გახსნის შედეგად, წინასწარი მონაცემებით, არის 2 დაღუპული და დაჭრილები“, - ნათქვამია სომხეთის თავდაცვის სამინისტროს განცხადებაში.

ავტორი: ექსპრესნიუსი,