2024-02-09 17:04:54, 1136 ნახვა

---

„სიხარულით ველი თქვენთან მუშაობას, რათა საქართველო ევროკავშირის გზაზე წინ წავწიოთ“ - შოლცის მილოცვა კობახიძეს

გერმანიის კანცლერი ოლაფ შოლცი ირაკლი კობახიძეს პრემიერ-მინისტრის თანამდებობაზე დამტკიცებას ულოცავს. მილოცვის ტექსტი გერმანიის ბუნდესტაგის ოფიციალურ ვებგვერდზე გამოქვეყნდა.

როგორც შოლცი აღნიშნავს, ის მოულოდნელად ელის საქართველოს პრემიერ-მინისტრ ირაკლი კობახიძესთან თანამშრომლობას, რათა საქართველოს ევროკავშირის გზაზე წინსვლა ჰქონდეს.

„პატივცემულო პრემიერ-მინისტრო, მსურს, გულითადად მოგილოცოთ თქვენს დანიშვნასთან დაკავშირებით. სიხარულით ველი თქვენთან მუშაობას, რათა კიდევ უფრო განვავითაროთ ჩვენი ურთიერთობები და წინ წავწიოთ საქართველო ევროკავშირის გზაზე.

იღბალს და წარმატებებს გისურვებთ თქვენი უფლებამოსილების განხორციელებაში“, - აღნიშნა ოლაფ შოლცმა.

ცნობისთვის, გუშინ, 8 თებერვალს პარლამენტმა ირაკლი კობახიძის მთავრობას ნდობა გამოუცხადა.

---

ავტორი: ექსპრესნიუსი,

---

დღის თემა

მთავარი თემა

ინტერვიუ - ექსკლუზივი