გვაქვს მოლოდინი, რომ სალომე ზურაბიშვილი, არჩევნებამდე მცირე ხნით ადრე, სავარაუდოდ, გადადგება თავის პოზიციიდან და ერთ-ერთ ოპოზიციურ გაერთიანებას მიეკედლება, - ამის შესახებ პარლამენტის განათლების, მეცნიერებისა და ახალგაზრდულ საქმეთა კომიტეტის თავმჯდომარემ, გივი მიქანაძემ განაცხადა.

მიქანაძის თქმით, საქართველოს პრეზიდენტი სალომე ზურაბიშვილი "ოპოზიციის ნარატივზეა გადასული".

"სალომე ზურაბიშვილი არანაირი ნეიტრალიტეტის კონტექსტში არ ჯდება. ის ბოლო 6 თვე, ერთი წელიწადია, მთლიანად არის ოპოზიციის ნარატივზე გადასული და ჩვენ ამასაც ვამბობთ, რომ გვაქვს მოლოდინი, რომ ეს ადამიანი, არჩევნებამდე მცირე ხნით ადრე, სავარაუდოდ, გადადგება თავის პოზიციიდან და ერთ-ერთ ოპოზიციურ გაერთიანებას მიეკედლება, რითაც შეეცდება, საზოგადოება გარკვეულწილად შეცდომაში შეიყვანოს, რომ თითქოსდა ეს არის რაღაც სხვა ძალა და არა "ნაციონალური მოძრაობა". ამ დროს, ყველა ის ძალა, რომელთანაც სალომე ზურაბიშვილის შემდგომი კოალიცია შესაძლებელია განხილულ იქნეს, ეს იქება "ნაციონალური მოძრაობა", "ლელო", გვარამია, გახარია თუ ა.შ. ეს ყველა არის ის შენაერთები, რომლებიც ერთიანობაში წარმოადგენენ "ნაციონალურ მოძრაობას", - განაცხადა მიქანაძემ.

შეგახსენებთ, რომ დღეს, 6 თებერვალს საქართველოს პრეზიდენტი სალომე ზურაბიშვილი პარლამენტის პლენარულ სხდომაზე ყოველწლიური მოხსენებით წარსდგება.

ავტორი: ექსპრესნიუსი,

სოციალური ქსელები

ყირიმში, ნავთობბაზისა და ბორნის დაბომბვის შემდეგ, მათ შეწყვიტეს საწვავის გაყიდვა და დახურეს ქერჩის გადასასვლელი

აფხაზეთის საოკუპაციო რეჟიმი - თბილისიდან მშვიდობა მხოლოდ ძალის გამოუყენებლობის შესახებ შეთანხმებაა

ალბანეთში ათიათასობით ადამიანმა კუშნერ-ივანკა ტრამპთან დაკავშირებული კურორტის წინააღმდეგ საპროტესტო აქცია გამართა

მოვითხოვთ, 4 ოქტომბრის საქმის საფუძვლიან და ობიექტურ გადახედვას - მეცნიერებათა აკადემია