ველოდები, რომ ძალიან ახლოს და კონსტრუქციულად ვიმუშავებ მომდევნო მთავრობასა და პრემიერთან,- ამის შესახებ საქართველოში ევროკავშირის ელჩმა, პაველ ჰერჩინსკიმ განაცხადა.

როგორც ჰერჩინსკიმ მედიის წარმომადგენლებთან საუბრისას აღნიშნა, საქართველოში ევროკავშირის წარმომადგენელობას წინა პრემიერ-მინისტრსა და მთავრობასთან "ახლო თანამშრომლობა" ჰქონდა.

"მე უცხოელი დიპლომატი ვარ საქართველოში. ამიტომ, ძალიან ფრთხილად უნდა ვიყო თქვენს კითხვაზე პასუხისას. რაც შემიძლია ვთქვა - ჩვენ ძალიან ახლოს ვთანამშრომლობდით პრემიერთან და მთავრობასთან. დეკემბერში გვქონდა ისტორიული გადაწყვეტილება კანდიდატის სტატუსის შესახებ. ახლა ველოდები, რომ ძალიან ახლოს და კონსტრუქციულად ვიმუშავებ მომდევნო მთავრობასა და პრემიერთან. დღეს არის ანონსები - ვინ იქნება მთავრობაში, მაგრამ ჯერ წინ პროცესია პარლამენტში. ისღა დაგვრჩენია, დაველოდოთ და ვნახოთ, ვინ იქნება ახალი მთავრობა. ვინც უნდა იყოს, რა გადაწყვეტილებაც უნდა მიიღონ, ჩვენ - ევროკავშირი ველოდებით თანამშრომლობას ახალ არჩეულ პრემიერთან და მთავრობასთან",- განაცხადა პაველ ჰერჩინსკიმ.

ავტორი: ექსპრესნიუსი,

სოციალური ქსელები

უკრაინის საჰაერო ძალებს არ მიუღიათ წინასწარი ინფორმაცია კიევის დაბომბვისას

ტრამპი ცდილობს, უკრაინა კაპიტულაციაზე აიძულოს, — The Atlantic

ფინეთმა ევროკავშირს შესთავაზა, რომ ომის დასრულებამდე რუსებისთვის ტურისტული ვიზების სრული აკრძალვა დაწესდეს

ნატომ პირობა დადო, რომ რუსეთის თავდასხმის შემთხვევაში, თავდამსხმელის ძალები სრულად განადგურდება