შინაგან საქმეთა მინისტრის მოადგილე არჩილ თალაკვაძე შსს-ს გადაუდებელი დახმარების ოპერატიული მართვის ცენტრს ეწვია და 11 თებერვალს „112“-ის საერთაშორისო დღე მიულოცა.

შსს-ს გადაუდებელი დახმარების ოპერატიული მართვის ცენტრში აღნიშნულ დღესთან დაკავშირებით ღონისძიება ჩატარდა, რომელსაც შს მინისტრის მოადგილესთან ერთად სხვადასხვა ექსტრემალური სპორტის ფედერაციების წარმომადგენლებიც ესწრებოდნენ.

გადაუდებელი დახმარების ოპერატიული მართვის ცენტრის მუშაობის სპეციფიკას სტუმრები ადგილზე გაეცნენ. ტურიზმის სფეროს წარმომადგენლებთან გაფორმდა ურთიერთთანამშრომლობის მემორანდუმი, რაც მობილური ოპერატორების დაფარვის ზონის გარეთ არსებული გეოგრაფიული არეალიდან „GPS თრექერ“-ის საშუალებით „112“-თან წვდომას გულისხმობს. აღნიშნული „თრექერები“, რომლებიც „112“-მა საკუთარი ხარჯებით შეიძინა, განკუთვნილია ტურისტებისთვის და საქართველოს მაღალი რისკის მქონე რეგიონებში გადაადგილებული პირებისთვის.

შინაგან საქმეთა სამინისტროს მთავარ მიმართულებად 2015 წელს ოჯახში ძალადობის წინააღმდეგ ბრძოლა დასახელდა. აღნიშნულ თემაზე მიღებული ზარების შინაარსიდან გამომდინარე, სამსახურებრივი მოვალეობის სანიმუშოდ შესრულებისა და „112“-ის ეფექტურ მუშაობაში შეტანილი წვლილისთვის, შინაგან საქმეთა მინისტრის სახელით, ცენტრის 2 თანამშრომელს მადლობის სიგელი გადაეცა.

ცნობისთვის, „112“-ის საერთაშორისო დღის აღნიშვნის მიზანია გადაუდებელი დახმარების ნომრის ცნობადობის ამაღლება ადგილობრივ თუ რეგიონალურ დონეზე.

ევროსაბჭოს გადაწყვეტილებით, 11 თებერვალი „112“-ის დღედ 2009 წელს გამოცხადდა. საქართველოში უკვე 3 წელია, რაც გადაუდებელი დახმარების ერთიანი ნომერი ფუნქციონირებს, ხოლო ევროპის მასშტაბით ამ ნომრით1991 წლიდან სარგებლობენ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ანი ნადარეიშვილი, ბაჩო ახალაიას ცოლი „ნაციონალური მოძრაობის“ პოლიტსაბჭოს წევრი გახდა

მოსამართლე გიორგი არევაძემ გაამართლა თურქი ბიზნესმენი, რომელმაც 20 წლის ფეხბურთელი გოგონა გაუპატიურებაში ადანაშაულებდა

პროკურატურა - გურჯაანში 60 წელს გადაცილებული მამაკაცი რამდენიმე წლის განმავლობაში, ძალადობით, არასრულწლოვნის მიმართ სექსუალური ხასიათის ქმედებებს ახორციელებდა, შემდეგ კი გააუპატიურა

საქართველოს ბანკის მხარდაჭერით, 500 Global in Eurasia-ს აქსელერაციის პროგრამის XI ნაკადის გადამზადება დაიწყო