2024-01-23 13:45:44, 715 ნახვა
პოლიტიკა
ზურაბიშვილი გამოსახლებაზე - მევახშეების წახალისება და ადამიანების ღირსების შელახვა მიუღებელია
საქართველოს პრეზიდენტი სალომე ზურაბიშვილი კეკელიძის ქუჩაზე ოჯახის გამოსახლების პროცესს კიდევ ერთხელ ეხმაურება.
პრეზიდენტის თქმით, მევახშეების წახალისება და ადამიანების ღირსების შელახვა მიუღებელია.
"მიუღებელია ადამიანების გამოსახლება ზამთარში და თოვლში, მათი საკუთრების დაზიანება, მათი ღირსების შელახვა, მევახშეების წახალისება", - წერს ზურაბიშვილი "ფეისბუქზე".
ცნობისთვის, თბილისში, კეკელიძის ქუჩაზე ხმაური და დაპირისპირება იყო. დაპირისპირება მას შემდეგ დაიწყო, რაც აღსრულების ეროვნული ბიუროს წარმომადგენლებმა აღნიშნულ ქუჩაზე მცხოვრები ოჯახის გამოსახლება დაიწყეს.
ავტორი: ექსპრესნიუსი,
epn.ge (@expressnews.ge)
