„ერთიანი ნაციონალური მოძრაობა“ წერეთლის გამზირის რეაბილიტაციის საკითხზე გამოძიების დაწყებას ითხოვს.

როგორც პარტიის იურისტმა, ლაშა ტყეშელაძემ და გენერალური მდივნის მოადგილემ, ირაკლი ფავლენიშვილმა გენერალურ პროკურატურასთან გამართულ ბრიფინგზე განაცხადეს, გამოძიების დაწყების თხოვნით პროკურატურას წერილით მიმართეს.

„კახი კალაძის კორუფციული სქემები არის სისხლის სამართლის დანაშაული. როდესაც წერეთლის გამზირის რეაბილიტაცია იწყებოდა, მან ათეულობით მილიონიანი ხელშეკრულება გაუფორმა „ქართული ოცნების“ გარდაბნის საკრებულოს წევრს და ვხედავთ, რომ ეს თანხა არის მითვისებული, გაფლანგული და მოპარული. დღეს, როდესაც კალაძეს არ ეყო აღნიშნული თანხების მოპარვა, უკვე ააგო ახალი კორუფციული სქემა და „ქართული ოცნების“ შემომწირველებს და ბერა ივანიშვილის მეგობარს გაუფორმა 17-მილიონიანი ხელშეკრულება, ეს არის კორუფცია, ეს არის სისხლის სამართლის დანაშაული, პროკურატურამ ეს ადამიანები უნდა დაიბაროს და დაიწყოს გამოძიება",- განაცხადა ტყეშელაძემ.

ირაკლი ფავლენიშვილმა მოუწოდა თბილისის მერს, რომ დედაქალაქის საკრებულოს სხდომაზე საკითხის გარშემო არსებულ შეკითხვებს უპასუხოს.

„ჩვენ მივმართავთ კახი კალაძეს, თბილისის მერს - უახლოეს დღეებში ტარდება საკრებულოს სხდომა, ჩვენ მოვუწოდებთ მას მოვიდეს და პასუხი გასცეს არა მხოლოდ „ნაციონალური მოძრაობის“ კითხვებს, რომელიც მის მიმართ არსებობს, არამედ თბილისელების კითხვას წერეთლის გამზირის რეაბილიტაციასთან დაკავშირებით, მათ შორის დიღმის ჭალებთან, ვარკეთილის ჭერთან, ჭავჭავაძის გამზირის რეაბილიტაციასთან დაკავშირებით და კიდევ ძალიან ბევრი კორუფციული დანაშაულის გახსენება შეიძლება და იმის მაგივრად, რომ პათეტიკური კომენტარები გააკეთოს და ხალხს შეურაცხყოფა მიაყენოს, მას აქვს პასუხისმგებლობა, რომ გასცეს პასუხი კონკრეტულ ბრალდებებს, თუმცა, რა თქმა უნდა, ეჭვი გვეპარება, რომ მას ეყოფა გამბედაობა, რომ მოვიდეს და პასუხი გასცეს“,- აღნიშნა ფავლენიშვილმა.

ავტორი: ექსპრესნიუსი,

სოციალური ქსელები

ყირიმში, ნავთობბაზისა და ბორნის დაბომბვის შემდეგ, მათ შეწყვიტეს საწვავის გაყიდვა და დახურეს ქერჩის გადასასვლელი

აფხაზეთის საოკუპაციო რეჟიმი - თბილისიდან მშვიდობა მხოლოდ ძალის გამოუყენებლობის შესახებ შეთანხმებაა

ალბანეთში ათიათასობით ადამიანმა კუშნერ-ივანკა ტრამპთან დაკავშირებული კურორტის წინააღმდეგ საპროტესტო აქცია გამართა

მოვითხოვთ, 4 ოქტომბრის საქმის საფუძვლიან და ობიექტურ გადახედვას - მეცნიერებათა აკადემია