2024-01-17 23:34:20, 930 ნახვა
მსოფლიო
კულება - უკრაინას სჭირდება რუსეთის გაყინული აქტივები და არა გაყინული კონფლიქტი
უკრაინას სჭირდება რუსეთის გაყინული აქტივები და არა გაყინული კონფლიქტი, - ამის შესახებ უკრაინის საგარეო საქმეთა მინისტრმა, დმიტრო კულებამ დავოსის ეკონომიკურ ფორუმზე სიტყვით გამოსვლისას განაცხადა.
კულებას თქმით, მსოფლიომ ნაბიჯი უნდა გადადგას გაყინული რუსული აქტივების უკრაინისათვის გადაცემისკენ და არა გაყინული კონფლიქტისკენ, რათა თავიდან აიცილოს სახელმწიფოთაშორისი კონფლიქტების რაოდენობის ზრდა.
"როდესაც გვესმის ზოგიერთი ექსპერტის ან მოაზროვნის არგუმენტები, რომ შესაძლოა ღირდეს კონფლიქტის გაყინვა, ჩვენი პასუხი არის ის, რომ ჩვენ გვჭირდება [რუსეთის] გაყინული აქტივები და არა გაყინული კონფლიქტი", - განაცხადა კულებამ.
ავტორი: ექსპრესნიუსი,
epn.ge (@expressnews.ge)
