ზესტაფონის მუნიციპალიტეტის სოფელ შორაპნის საზოგადოებრივ ცენტრში ადგილობრივი მოსახლეობა უფასო იურიდიული კონსულტაციით ისარგებლებს.
სახელმწიფო სერვისების განვითარების სააგენტომ გაითვალისწინა მოსახლეობის უმრავლესობის მოთხოვნა, ადგილზე მიეღოთ ამგვარი სერვისი და საზოგადოებრივი ცენტრების 200–ზე მეტ მომსახურებას დაემატა კიდევ ერთი – უფასო იურიდიული დახმარების მომსახურებაც.
 პირველ ეტაპზე იურიდიული დახმარების სერვისით სამი  საზოგადოებრივი ცენტრი ისარგებლებს. კვირაში ერთი დღის განმავლობაში 10:00 დან 17:00 საათამდე ადგილზე იმუშავებს იურისტი და კვალიფიციურ სამართლებრივ დახმარებას გაუწევს ნებისმიერ დაინტერესებულ პირს. საზოგადოებრივ ცენტრებში ხელმისაწვდომი იქნება: ზეპირი იურიდიული კონსულტაცია ნებისმიერ სამართლებრივ საკითხზე, ნებისმიერი პირისათვის; ასევე - იურიდიული დოკუმენტების შედგენა ნებისმიერ სამართლებრივ საკითხზე - გადახდისუუნარო პირებისათვის. იურიდიული დახმარების ქსელის გაფართოებას და საზოგადოებრივ ცენტრებთან თანამშრომლობას აქტიურად უჭერს მხარს გაეროს განვითარების პროგრამა (UNDP) საქართველოში. მოსახლეობის ინტერესების გათვალწინებით, საზოგადოებრივ ცენტრებში ახალი სერვისების დამატება მომავალშიც გაგრძელდება.
საზოგადოებრივი ცენტრების მიზანი სოფლის მოსახლეობისათვის ხარისხიანი მომსახურების მიწოდება და ადგილობრივი ინფრასტრუქტურის გაუმჯობესებაა. საზოგადოებრივი ცენტრის კონცეფცია სახელმწიფო სერვისების განვითარების სააგენტოს პროექტის, „ელექტრონული მმართველობის დანერგვა ადგილობრივ თვითმმართველობებში“ ფარგლებში შეიქმნა, რომელიც ევროკავშირის ფინანსური მხარდაჭერით ხორციელდება.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ანი ნადარეიშვილი, ბაჩო ახალაიას ცოლი „ნაციონალური მოძრაობის“ პოლიტსაბჭოს წევრი გახდა

მოსამართლე გიორგი არევაძემ გაამართლა თურქი ბიზნესმენი, რომელმაც 20 წლის ფეხბურთელი გოგონა გაუპატიურებაში ადანაშაულებდა

პროკურატურა - გურჯაანში 60 წელს გადაცილებული მამაკაცი რამდენიმე წლის განმავლობაში, ძალადობით, არასრულწლოვნის მიმართ სექსუალური ხასიათის ქმედებებს ახორციელებდა, შემდეგ კი გააუპატიურა

საქართველოს ბანკის მხარდაჭერით, 500 Global in Eurasia-ს აქსელერაციის პროგრამის XI ნაკადის გადამზადება დაიწყო