2023-12-25 14:10:27, 1382 ნახვა

---

ბუდანოვი - კრემლის რეჟიმი ვერასოდეს განახორციელებს ჩვენი სახელმწიფოებრიობისა და იდენტობის განადგურების მზაკვრულ გეგმებს

კრემლის ტერორისტულ-საოკუპაციო რეჟიმი ვერასოდეს განახორციელებს ჩვენი სახელმწიფოებრიობის, ტრადიციებისა და იდენტობის განადგურების მზაკვრულ გეგმებს, - ამის შესახებ უკრაინის თავდაცვის სამინისტროს დაზვერვის ხელმძღვანელის, კირილ ბუდანოვის საშობაო მიმართვაშია აღნიშნული, რომელსაც ის Telegram-ზე ავრცელებს.

ბუდანოვის თქმით, "უკრაინელები ძლიერი ერია, რომელსაც შეუძლია ყველაფრის გადალახვა თავისუფლებისა და დამოუკიდებლობის გზაზე".

"კრემლის ტერორისტულ-საოკუპაციო რეჟიმი ვერასოდეს განახორციელებს ჩვენი სახელმწიფოებრიობის, ტრადიციებისა და იდენტობის განადგურების მზაკვრულ გეგმებს. უკრაინელები ძლიერი ერია, რომელსაც შეუძლია ყველაფრის გადალახვა თავისუფლებისა და დამოუკიდებლობის გზაზე", - წერს ბუდანოვი.

გარდა ამისა, მიმართვაში ბუდანოვმა იმედი გამოთქვა, რომ 2024 წელი უკრაინელი დამცველების უწყვეტი ბრძოლის, გმირობისა და გამბედაობის წელი იქნება, რომელიც "უკრაინას დიდი ხნის ნანატრ გამარჯვებას მოუტანს".

---

ავტორი: ექსპრესნიუსი,

---

დღის თემა

მთავარი თემა

ინტერვიუ - ექსკლუზივი