უკრაინამ, 21 დეკემბრის ღამეს, რუსეთის მიერ გაშვებული 35 დრონიდან 34 გაანადგურა. აღნიშნულის შესახებ ინფორმაციას უკრაინის შეიარაღებული ძალების საჰაერო ძალები Telegram-ზე ავრცელებს.

საჰაერო ძალების ცნობით, უპილოტო საფრენი აპარატების გაშვება სამი მიმართულებით დაფიქსირდა - ყირიმიდან, რუსეთის ტერიტორიის პრიმორსკო-ახტარსკის რაიონიდან და კურსკის ოლქიდან.

"21 დეკემბრის ღამეს, ოკუპანტები უკრაინას Shahed-136/13-ის ტიპის დრონებით დაესხნენ თავს. დრონების გაშვება სამი მიმართულებით დაფიქსირდა - ყირიმიდან, რუსეთის ტერიტორიის პრიმორსკო-ახტარსკის რაიონიდან და კურსკის ოლქიდან. სულ დაფიქსირდა Shahed-136/131-ის ტიპის 35 უპილოტო საფრენი აპარატიდან 34-ის ჩამოგდება. თავდასხმის მოგერიებაში მონაწილეობდნენ საბრძოლო თვითმფრინავები, საზენიტო-სარაკეტო დანაყოფები და უკრაინის თავდაცვის ძალების მობილური სახანძრო ჯგუფები.

საზენიტო თავდაცვა მუშაობდა კიევის, დნეპროპეტროვსკის, ვინიცის, ჩერკასის, ხერსონის, ზაპოროჟიას, ნიკოლაივის, ხმელნიცკის, სუმის, პოლტავას, ჩერნიგოვისა და კიროვოგრადის რეგიონებში", - აღნიშნულია ინფორმაციაში.

ავტორი: ექსპრესნიუსი,

სოციალური ქსელები

შვედეთის საჰაერო ძალებმა განაცხადეს, რომ თავდასხმის შემთხვევაში, ისინი რუსეთის სიღრმეში დარტყმებს განახორციელებენ

რუსეთმა უკრაინის წინააღმდეგ სპეციალური ქობინებით აღჭურვილი დრონებით დაბომბვა დაიწყო ელექტროგადამცემი ხაზების გასანადგურებლად

საფრანგეთში, მოსწავლეებმა სკოლების ბლოკირება დაიწყეს მასწავლებლების დეფიციტისა დანგრეული ინფრასტრუქტურის გამო

ბერა ივანიშვილი მამის კონტროლირებად სასამართლოში ჩივილით ემუქრება ყველას, ვინც ქოლცენტრების მფარველობას აბრალებს