მე გაძლევთ გარანტიას, რომ 4 წელიწადში ხელისუფლების შეცვლის შემდეგ, საქართველო ევროკავშირის სრულფასოვანი წევრი იქნება,- ამის შესახებ საქართველოს მესამე პრეზიდენტმა, მიხეილ სააკაშვილმა სასამართლო პროცესზე კლინიკა "ვივამედიდან" დისტანციურად ჩართვისას განაცხადა.

სააკაშვილის თქმით, ხელისუფლების შეცვლის შემდეგ "სრულიად ახალი ეპოქა დაიწყება".

"მე ვამბობდი, რომ იქნებოდა უზივო მიმოსვლა და მივიღეთ. ასოცირების ხელშეკრულებას რომ მოეწერა ხელი, მე უკვე აღარ ვიყავი პრეზიდენტი, მაგრამ მაშინ მე ევროპარლამენტმა მიმიწვია სესიაზე და ფეხზე ამდგარი ევროპარლამენტი მომესალმა მე და რაღაცნაირად სასიამოვნო იყო, რომ მათ მაინც არ დაივიწყეს ჩემი ღვაწლი. მე ვამბობდი, რომ იქნებოდა კანდიდატის სტატუსი და ჩვენ მივიღეთ სტატუსი. მე ვამბობ ახლა, რომ ჩვენ აუცილებლად ვიქნებით ევროკავშირის წევრები, ოღონდ ჩვენ უნდა მოვიგოთ მანამდე ეს არჩევნები...

ჩვენ არ მივცემთ საშუალებას არავის, რომ ამ გზიდან გადაგვიყვანოს. ევროპაც არ მისცემს არავის საშაულებას, რომ საქართველოს შიგნით ვინმემ ბოროტად გამოიყენოს ძალაუფლება. ეს იქნება სრულიად ახალი ეპოქა. ჩვენ ახლა საცობი უნდა მოვიშოროთ იმიტომ, რომ ეს არის დაცობილი ევროკავშირის გზაზე... მე გაძლევთ გარანტიას, რომ 4 წელიწადში ხელისუფლების შეცვლის შემდეგ, საქართველო იქნება ევროკავშირის სრულფასოვანი წევრი. მე არასდროს არაფერში მომიტყუებიხართ",- განაცხადა სააკაშვილმა.

ავტორი: ექსპრესნიუსი,

სოციალური ქსელები

რეჟიმი გეგმავს მოქალაქეთა პირადი ცხოვრება აკონტროლოს, უცხოელზე დაქორწინებას კომისია შეისწავლის

ბოკუჩავა - ენმ-ს გარე აუდიტი არ სჭირდება იმის აღსაქმელად, რომ მძიმე გამოწვევების წინაშე ვდგავართ

თუ სიჩქარის მცირედი გადაჭარბება იქნება, მძღოლი 50 ლარით დაჯარიმდება, ჯარიმები გაიზრდება - დარახველიძე

საქართველოში შექმნილია სასათბურე პირობები ირანის ტერორისტული რეჟიმის ქსელისთვის – დროა