2023-12-18 21:16:53, 827 ნახვა

---

მიშელი - EU 2024 წლის პირველ თებერვალს გამართავს სამიტს, სადაც უკრაინისთვის 50 მილიარდი ევროს დახმარების საკითხზე იმსჯელებს

ევროკავშირი 2024 წლის პირველ თებერვალს გამართავს სპეციალურ სამიტს, სადაც ევროკავშირის ლიდერები განიხილავენ ევროკავშირის ბიუჯეტის, მათ შორის უკრაინისთვის 50 მილიარდი ევროს დამატებითი დახმარების გამოყოფის საკითხს, - ამის შესახებ ევროპული საბჭოს პრეზიდენტმა, შარლ მიშელმა განაცხადა.

როგორც შარლ მიშელი აღნიშნავს, ევროკავშირის 26 ქვეყნის ლიდერებს ჯერ კიდევ სურთ დაარწმუნონ უნგრეთი გადაწყვეტილებაზე ვეტოს მოხსნაში.

"ევროკავშირის სამიტი მრავალწლიანი ბიუჯეტის შესახებ 1-ელ თებერვალს გაიმართება. უკრაინის დახმარების დასამტკიცებლად, ცოტა მეტი დრო გვჭირდება უნგრეთის დასარწმუნებლად", - განაცხადა მიშელმა.

ცნობისთვის, უნგრეთის პრემიერ-მინისტრმა, ვიქტორ ორბანმა უკრაინისთვის გამოყოფილი ევროკავშირის 50 მილიარდი ევროს დახმარების პაკეტი დაბლოკა.

---

ავტორი: ექსპრესნიუსი,

---

დღის თემა

მთავარი თემა

ინტერვიუ - ექსკლუზივი