ევროკავშირის წევრმა ქვეყნებმა, შესაძლოა, უნგრეთს ჩამოართვან ხმის უფლება, რათა დაამტკიცონ შეთანხმება უკრაინისთვის 50 მილიარდი ევროს დახმარების შესახებ. აღნიშნულ ინფორმაციას Financial Times-ი ავრცელებს.

Financial Times-ის ცნობით, ამ ნაბიჯის გადასადგმელად ზოგიერთი ოფიციალური პირი განიხილავს 2007 წლის ევროკავშირის ხელშეკრულების მე-7 მუხლით გათვალისწინებული დებულებების გამოყენებას, რამაც შეიძლება შეაჩეროს ხმის (ვეტოს) უფლება.

როგორც გამოცემა წერს, უნგრეთისთვის ხმის უფლების ჩამორთმევა, შესაძლოა, დაბლოკოს ნებისმიერმა წევრმა სახელმწიფომ.

"უნგრეთმა, შესაძლოა, მეტი პრობლემა შექმნას - შესაძლოა, მან გვაიძულოს, გამოვიყენოთ რამდენიმე განსხვავებული ინსტრუმენტი, მაგრამ საბოლოოდ, ის ვერ შეგვიშლის ხელს უკრაინისთვის ფულის მიწოდებაში", - განაცხადა ევროკავშირის ერთ-ერთმა მაღალჩინოსანმა.

შეგახსენებთ, რომ 15 დეკემბერს, უნგრეთის პრემიერ-მინისტრმა, ვიქტორ ორბანმა უკრაინისთვის ევროკავშირის 50 მილიარდი ევროს დახმარების პაკეტი დაბლოკა.

ავტორი: ექსპრესნიუსი,

სოციალური ქსელები

ზელენსკიმ განაცხადა, რომ რუსეთის ფედერაციამ დაარღვია საკუთარი „ცეცხლის შეწყვეტის შეთანხმება“: დუმილის იმიტაციაც კი არ ყოფილა

CNN: კრემლი პუტინის უსაფრთხოებას აძლიერებს შეთქმულებისა და შიდა არასტაბილურობის შესახებ ჭორების ფონზე

დრონებმა მოსკოვს, იაროსლავისა და როსტოვის ნავთობგადამამუშავებელ ქარხნებს შეუტიეს, შედეგად ხანძარი გაჩნდა

ნიდერლანდების პრემიერ-მინისტრის პარტიის ოფისში აფეთქება მოხდა, ეჭვმიტანილი დაკავებულია