ამერიკის შეერთებულ შტატებში ვიზიტით მყოფი უკრაინის პრეზიდენტი ქვეყნის თავდაცვის მდივანს, ლოიდ ოსტინს შეხვდა. ამის შესახებ ინფორმაციას Reuters-ი ავრცელებს. 

გამოცემის ცნობით, საომარ მდგომარეობაში მყოფი ქვეყნის მეთაური, თავდაცვის მდივანთან ერთად, თავდაცვის ეროვნულ უნივერსიტეტს ეწვია და სამხედრო აუდიტორიას სიტყვით მიმართა.

"ჩვენ არ დავნებდებით. ვიცით, რა უნდა გავაკეთოთ და თქვენ შეგიძლიათ, უკრაინის იმედი გქონდეთ. და ჩვენ იმედი გვაქვს, რომ თქვენზე დაყრდნობა შეგვეძლება",- თქვა ზელენსკიმ მიმართვისას.

შეგახსენებთ, უკრაინის პრეზიდენტი ვოლოდიმირ ზელენსკი ამერიკის შეერთებულ შტატებს გუშინ, 11 დეკემბერს ეწვია. დღეს, 12 დეკემბერს დაგეგმილია ზელენსკისა და აშშ-ის პრეზიდენტ ჯო ბაიდენის შეხვედრა. ბაიდენი უკრაინის ლიდერს თეთრ სახლში უმასპინძლებს. 

აღსანიშნავია, რომ ეს ზელენსკის შეერთებულ შტატებში რიგით მესამე ვიზიტია უკრაინაში რუსეთის ფართომასშტაბიანი ომის დაწყების შემდეგ. პრეზიდენტი ვაშინტონში ბოლოს მიმდინარე წლის სექტემბერში იმყოფებოდა.

ავტორი: ექსპრესნიუსი,

სოციალური ქსელები

საგარეო ევროკავშირს საკონსტიტუციო სასამართლოს ზეწოლაში და საქართველოს შიდა საქმეებში ჩარევაში ადანაშაულებს

შვილებს, მათ შორის, არასრულწლოვანს, მათივე ნების საწინააღმდეგოდ აიძულებდნენ ცოლად გაჰყოლოდნენ - პოლიციამ სამი პირი დააკავა თანასოფლელ მამაკაცებს

ბაზისბანკის მხარდაჭერით ფინანსური განათლების ეროვნული ჯილდო 2027 იწყება

ვენსი: უკრაინა „გარკვეული გაგებით“ პარტნიორია, მაგრამ მან უნდა შეწყვიტოს რუსეთის ნავთობგადამამუშავებელი ქარხნების დარტყმა