2023-11-28 12:37:16, 1523 ნახვა

---

ჩეხეთის პრეზიდენტი - უკრაინას უნდა მივცეთ ყველაფერი, რაც მას სჭირდება, ნაკლები დახმარება ჩვენი დამარცხება იქნება

უკრაინას უნდა მივცეთ ყველაფერი, რაც მას სჭირდება, ნაკლები დახმარება ჩვენი დამარცხება იქნება,- ამის შესახებ ჩეხეთის პრეზიდენტმა, პეტრ პაველმა განაცხადა.

პაველის თქმით, თუ დასავლეთი შეასუსტებს უკრაინის მხარდაჭერას, მომავალი წელი რუსეთისთვის უფრო ხელსაყრელი იქნება.

„ჩვენ სხვა არჩევანი არ გვაქვს გარდა იმისა, რომ უკრაინას მივცეთ ყველაფერი, რაც მას სჭირდება სუვერენიტეტისა და საზღვრებზე კონტროლის აღდგენის ამოცანის შესასრულებლად. ნებისმიერი ნაკლები დახმარება ჩვენი დამარცხება იქნება“,- აცხადებს ჩეხეთის პრეზიდენტი. 

პაველი დარწმუნებულია, რომ რუსეთის გამარჯვება გააძლიერებს აზრს, რომ სხვა რეჟიმებს შეუძლიათ ძალის გამოყენებით მიაღწიონ თავიანთ მიზნებს და რომ მათ შეუძლიათ დაეყრდნონ დასავლური დემოკრატიების სისუსტეს.

---

ავტორი: ექსპრესნიუსი,

---

დღის თემა

მთავარი თემა

ინტერვიუ - ექსკლუზივი