ნიკა მელიამ გააკეთა განცხადება, რომ ის ერთობის მანიფესტს არ უერთდება - შესაბამისად, მან თავად დატოვა საკუთარი თავი პარტიის მიღმა და მას არ განვიხილავთ პარტიის წევრად,- ამის შესახებ "ერთიანი ნაციონალური მოძრაობის" საპარლამენტო ფრაქციის თავმჯდომარემ, თინა ბოკუჩავამ განაცხადა.

როგორც ბოკუჩავამ ჟურნალისტებს უთხრა, მელიამ "გეოპოლიტიკურ არჩევნებში ენმ-თან ერთად შესვლის შესაძლებლობა არ გამოიყენა".

"ძალიან ვწუხვარ, რომ გუშინდელი შესაძლებლობა მან არ გამოიყენა იმისთვის, რომ ეს ერთობის დოკუმენტი ყოფილიყო მისთვისაც ახალი შესაძლებლობა იმისთვის, რომ ერთიანი ძალებით შევსულიყავით გეოპოლიტიკურ არჩევნებში. მან თავად დატოვა საკუთარი თავი პარტიის მიღმა და ეს განმარტება პრეზიდენტმა სააკაშვილმა ძალიან ცალსახად გააკეთა და შესაბამისად, არ განვიხილავთ მას პარტიის წევრად...

მე არ მინახავს სხვა ადამიანების კონტრშეთავაზებები და კონტრდოკუმენტები და არც ასეთი მკაფიო უარი, რომ ისინი არ უერთდებიან პრეზიდენტი სააკაშვილის ერთობის მანიფესტს. ასეთი განაცხადი და ასეთი კონტრშეთავაზება მოვისმინე მხოლოდ ნიკა მელიას მხრიდან. მე ვთვლი, რომ მათ შესაბამისად გაიზიარეს ერთობის მანიფესტის სულისკვეთება",- ამბობს ბოკუჩავა.

შეგახსენებთ, რომ 22 ნოემბერს, "ერთიანმა ნაციონალურმა მოძრაობამ" საქართველოს მესამე პრეზიდენტის, მიხეილ სააკაშვილისა და პარტიის მანიფესტი გამოაქვეყნა, რომელიც 11 პუნქტისგან შედგება.

ავტორი: ექსპრესნიუსი,

სოციალური ქსელები

Axios: ისრაელი და აშშ, უთანხმოების მიუხედავად, ირანთან ომის შესაძლო განახლებისთვის ემზადებიან

Politico - აშშ-მ უამინდობის გამო სისტემური გაუმართაობის გამო უკრაინა სარაკეტო დარტყმის შესახებ არ გააფრთხილა

საფრანგეთში სკოლებთან დაკავშირებულ საპროტესტო აქციებში 160 000-ზე მეტმა ადამიანმა მიიღო მონაწილეობა

ნოდარ მელაძე საპატრიარქოს მიერ ტელევიზიების დაბლოკვაზე - ასეთი რამ, არასდროს მომხდარა პატრიარქ ილია მეორეს მოღვაწეობის დროს