ოდიშარია - თუ „ნაცმოძრაობას“ მიაჩნია, რომ მათი მარტივ მამრავლებად დაშლა განსაკუთრებული მოვლენაა, მზად ვარ, მანიფესტზე ხელი მოვუწერო

2023-11-24 12:24:53, 868 ნახვა

პოლიტიკა

თუ "ნაციონალურ მოძრაობას" მიაჩნია, რომ მათი მარტივ მამრავლებად დაშლა განსაკუთრებული მოვლენაა და ამას მე-12 დამატებით პუნქტში ასახავენ, მზად ვარ, მეც მოვუწერო ხელი მათ მანიფესტზე და თან დიდი სიამოვნებით, - ასე გამოეხმაურა "ქართული ოცნების" დეპუტატი ბექა ოდიშარია "ერთიანი ნაციონალური მოძრაობის" მიერ გამოქვეყნებულ მანიფესტს.

ოდიშარიას თქმით, მანიფესტის ირგვლივ ატეხილი აჟიოტაჟი რუსეთის სოციალ-დემოკრატიული მუშათა პარტიის 1903 წლის მეორე ყრილობას ახსენებს.

"მანიფესტის ირგვლივ ატეხილი აჟიოტაჟი მახსენებს რუსეთის სოციალ-დემოკრატიული მუშათა პარტიის 1903 წლის მეორე ყრილობას, სადაც საბოლოოდ მოხდა განხეთქილება "ბოლშევიკებსა" და "მენშევიკებს" შორის.

ეს გაფორმდა დიდი ხნით, ოღონდ იმ დათქმით, რომ ამ ჩვენს თანამედროვე "ბოლშევიკებს" ნამდვილად არანაირი პერსპექივა არ აქვთ ხელისუფლების ხელში აღების, რადგან მათმა "ოქტომბერმა" უკვე დიდი ხანია ჩაიარა.

რაც შეეხება მანიფესტს, ის, როგორც წესი, რამე განსაკუთრებული მნიშვნელობის მქონე მოვლენის გამო ქვეყნდება.

თუ "ნაციონალურ მოძრაობას" მიაჩნია, რომ მათი მარტივ მამრავლებად დაშლა განსაკუთრებული მოვლენაა და ამას მე-12 დამატებით პუნქტში ასახავენ, მზად ვარ, მეც მოვუწერო ხელი მათ მანიფესტზე და თან დიდი სიამოვნებით", - წერს ოდიშარია "ფეისბუქზე".

Patreon P მხარი დაუჭირე "ექსპრესნიუსს" →

ავტორი: NS (სტატია დაფინანსებულია),