ფინანსთა სამინისტროს შემოსავლების სამსახურის უფროსის მოადგილემ, ვლადიმერ ხუნდაძემ და საბაჟო დეპარტამენტის ხელმძღვანელმა, ზურაბ სიჭინავამ ავტორიზებული ეკონომიკური ოპერატორის (AEO) სტატუსის გაცნობის მიზნით, ბიზნეს ოპერატორებთან სამუშაო შეხვედრა გამართეს. ამის შესახებ ინფორმაციას შემოსავლების სამსახური ავრცელებს.

უწყების ცნობით, საქართველოსა და ევროკავშირს შორის გაფორმებული ასოცირების შესახებ შეთანხმებით, საქართველომ აიღო სამართლებრივი ვალდებულება, ეტაპობრივად მოახდინოს საბაჟო პროცედურების ევროპულ რეგულაციებთან დაახლოება.

"აღნიშნული რეგულაციები ავტორიზებული ეკონომიკური ოპერატორის კონცეფციის იმპლემენტაციასაც გულისხმობს და ის საბაჟო სისტემასა და ბიზნესს შორის პარტნიორულ ურთიერთობას ეფუძნება. ახალი სტატუსი კომპანიებს ახალ გამარტივებულ საბაჟო შესაძლებლობებს სთავაზობს, კერძოდ; ავტორიზაციის მფლობელის კუთვნილი/მფლობელობაში არსებული საქონლის მიმართ საბაჟო ფორმალობების განხორციელებისას შემცირდება საქონლის ფიზიკური დათვალიერებისა და დოკუმენტური შემოწმების სიხშირე, ხოლო საბაჟო გაფორმების პროცედურები პრიორიტეტული წესით შესრულდება.

დამატებითი ინფორმაცია ავტორიზებული ეკონომიკური ოპერატორის სტატუსისა და მიღების წესის შესახებ იხილეთ ბმულზე: https://www.rs.ge/LegalEntityAuthorizedPersons?cat=2&tab=1.

შეხვედრის ფარგლებში, შემოსავლების სამსახურის წარმომადგენლებმა ბიზნეს-ოპერატორებს AEO-ს სტატუსის შესახებ, მომზადებული პრეზენტაცია წარუდგინეს და ის საბაჟო შეღავათები გააცნეს, რომლებიც საერთაშორისო მიწოდების ჯაჭვში იწყება საქონლის წარმოების პროცესიდან და სრულდება საბოლოო მიმღებთან მიწოდებით. სამუშაო შეხვედრა კითხვა-პასუხის რეჟიმში წარიმართა.

კერძო სექტორის წარმომადგენლებს, შესაძლებლობა მიეცათ, მათთვის აქტუალურ თემებსა და არსებულ გამოწვევებზე ესაუბრათ.

ბიზნესსექტორთან შეხვედრები, რომელთა მიზანია „ავტორიზებული ეკონომიკური ოპერატორების" (AEO) პროგრამის ხელშეწყობა და საბაჟო ფორმალობების შესახებ ცნობადობის ამაღლება რეგულარული ხასიათისაა და აქტიური კომუნიკაცია მომავალშიც გაგრძელდება.

შეგახსენებთ, რომ აღნიშნულ სტატუსს, საქართველოში უკვე 8 კომპანია - სს ,,საქკაბელი", შპს „დემასი", შპს ,,გოსელინ მობილითი ჯორჯია", შპს ,,შარმ ტრეიდინგი", შპს ,,ქართული ღვინისა და ალკოჰოლური სასმელების კომპანია", სს „შატო მუხრანი", შპს ,,ქართული სადისტრიბუციო-მარკეტინგული კომპანია" და შპს ,,ჰავი ლოჯისტიკსი" ფლობს",- ნათქვამია ინფორმაციაში.

ავტორი: NS (სტატია დაფინანსებულია),

სოციალური ქსელები

მოსკოვისა და კალუგის აეროპორტები დრონების თავდასხმის გამო დაიხურა

ირაკლი კობახიძე - როგორც არ შეიძლება, ხელისუფლება შეიჭრას ბიზნესის თავისუფლებაში, ასევე არ შეიძლება, ასე ღრმად შევიდეს ბიზნესი პოლიტიკაში

ირაკლი კობახიძე - ნაცმოძრაობამ, ლელომ და გახარიას პარტიამ უარი არ თქვეს დაფინანსების მიღებაზე

ირაკლი კობახიძე - ბარიერგადალახული 4 პარტიიდან 3-მა აღიარა არჩევნების შედეგები, როცა იღებ დაფინანსებას არჩევნების საფუძველზე, ამით აღიარებ