დმანისის მუნიციპალიტეტში მომხდარი განზრახ მკვლელობის ფაქტზე არასრულწლოვანს აღკვეთის ღონისძიების სახით პატიმრობა შეეფარდა. გადაწყვეტილება ცოტა ხნის წინ რუსთავის რაიონულმა სასამართლომ მიიღო.

პროცესი დახურულ კარს მიღმა გაიმართა.

როგორც არასრულწლოვანის ადვოკატი აცხადებს, მისი დაცვის ქვეშ მყოფი ბრალს არ აღიარებს.

"ვინაიდან ბავშვი არის არასრულწლოვანი, არ აღიარებს. მას არ ჰქონდა განზრახვა, რომ მოეკლა დაზარალებული. ჩვენი პოზიცია იყო, რომ მის მიმართ გამოყენებული ყოფილიყო გირაო, რადგან იგი მოქმედებდა თავდაცვის რეჟიმში, ვინაიდან ის იყო ძალადობის მსხვერპლი. მას სცემდნენ სრულწლოვანი ადამიანები. ჩვენი პოზიცია იყო, რომ მის მიმართ გამოყენებულიყო გირაო და სხვადასხვა დამატებული ვალდებულებები, თუმცა სასამართლომ არ გაითვალისწინა ჩვენი პოზიცია, რასაც ჩვენ გავასაჩივრებთ. მის მიმართ ბულინგის ფაქტებს ჰქონდა ადგილი. მას არ ჰქონდა იარაღი, უბრალოდ ცემის დროს, როდესაც ის წაიქცა მიწაზე, ხელში რაც მოხვდა, თავდაცვის მიზნით აიღო საგანი, რომლითაც მიაყენა დაზიანება გარდაცვლილს", - განაცხადა ადვოკატმა.

ამასთან, საქმის პროკურორის განცხადებით, საქმეში საკმარისი მტკიცებულებებია, რაც ადასტურებს, რომ 15 წლის ბრალდებული აუცილებელი მოგერიების მდგომარეობაში არ იმყოფებოდა.

"საქმეში წარმოდგენილია მტკიცებულებები. ესენი გახლავთ სამი თვითმხილველი მოწმის ჩვენება, რომლებიც უშუალოდ მონაწილეობდნენ ამ კონფლიქტში გამშველებლის როლში. მათი ჩვენებიდან ცალსახად დასტურდება, რომ ეს ადამიანი არ იმყოფებოდა აუცილებელი მოგერიების მდგომარეობაში და მან რეალურად ჩაიდინა განზრახ მკვლელობა. დანაშაულს თანამონაწილეები არ ჰყავდა. საქმეში არსებული მტკიცებულებებით დასტურდება, რომ დანაშაული სწორედ იმ ერთმა, არასრულწლოვანმა პირმა ჩაიდინა, რომლის მიმართაც დღეს სასამართლომ გამოიყენა აღმკვეთი ღონისძიების სახედ პატიმრობა", - განაცხადა პროკურორმა.

შეგახსენებთ, რომ 15 ნოემბერს, დმანისის მუნიციპალიტეტის სოფელ ამამლოში, ურთიერთშელაპარაკების ნიადაგზე ბრალდებულმა თანასოფლელს გულმკერდის არეში სიცოცხლისთვის სახიფათო დაზიანება მიაყენა და შემთხვევის ადგილიდან მიიმალა. მიყენებული ჭრილობის შედეგად დაზარალებული საავადმყოფოში მიყვანამდე გარდაიცვალა.

ავტორი: ექსპრესნიუსი,

სოციალური ქსელები

შვედეთის საჰაერო ძალებმა განაცხადეს, რომ თავდასხმის შემთხვევაში, ისინი რუსეთის სიღრმეში დარტყმებს განახორციელებენ

რუსეთმა უკრაინის წინააღმდეგ სპეციალური ქობინებით აღჭურვილი დრონებით დაბომბვა დაიწყო ელექტროგადამცემი ხაზების გასანადგურებლად

საფრანგეთში, მოსწავლეებმა სკოლების ბლოკირება დაიწყეს მასწავლებლების დეფიციტისა დანგრეული ინფრასტრუქტურის გამო

ბერა ივანიშვილი მამის კონტროლირებად სასამართლოში ჩივილით ემუქრება ყველას, ვინც ქოლცენტრების მფარველობას აბრალებს